Bir apta ishinde elimizde 3 506 qylmys jasaldy. Bul týraly onlain rejimdegi brifingide QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Aldymen eldegi kriminogendik jaǵdaiǵa toqtalsaq, bir apta ishinde 3 506 qylmys jasaldy, onyń 2 322-i táýlik ishinde ashyldy», - dedi QR Ishki ister ministrliginiń resmi ókili Nurdildá Oraz.
Onyń aitýynsha, politsiia qyzmetkerleri «izin sýytpai» 10 kisi óltirýdi, 1 ólimge ákep soqqan densaýlyqqa qasaqana aýyr ziian keltirýdi, 5 qaraqshylyq, 32 tonaý jáne 487 bóten múlikti urlaý qylmysyn ashty.
«Ishki ister ministriniń atyna azamattardan politseilerge alǵys aitqan hattar jii túsedi. Máselen, ótken aptada elordalyq politsiia departamentiniń qyzmetkerleri Álihan Momyshev pen Almas Shyǵanbaevqa alaiaqtyqty jedel ári kásibi túrde ashyp, zalaldy qalpyna keltirgeni úshin elorda turǵyny rizashylyǵyn bildirdi», - dedi Nurdildá Oraz.
