Koronavirýspen aýyrǵan adamnyń aǵzasy erte qartaiýy múmkin. Mundai jaǵdaida adamnyń aýrýdyń jeńil ne aýyr túrimen aýyrǵanyna qaramaidy, dedi Djordj Meison ýniversitetiniń júielik biologiia mektebiniń professory Ancha Baranova RIA Novosti aqparat agenttigine.
Onyń aitýynsha, qarashada koronavirýs infektsiiasynyń jeńil ári aýyr túrine shaldyqqan naýqastardy teksergen dárigerler qorytyndy jariialady.
"Naýqastardyń barlyǵy emdi ambýlatoriialyq jaǵdaida qabyldady. Biraq arasynda aýrýhanaǵa jatqyzylǵandar da boldy. Eń álsiz túrimen aýyryp shyqqan naýqastardyń 70%-inde keibir ishki aǵzalardyń patologiiasy baiqaldy. Alaida bul júrek patologiiasy emes, negizinen, maily gepatoz (baýyr zardap shegedi) jáne uiqy bezi tininiń maily degeneratsiiasy boldy", - dedi ol.
Onyń aitýynsha, ádette mundai diagnoz 60 jasta qoiylady. Al koronavirýspen aýyrǵan adamdarda 40 jasta baiqalady.
Baranova koronavirýs adamdardyń qartaiýyn tezdetedi dep otyr. Sonymen qatar maman mundai zertteýler kóp jasalýy kerek dep sanaidy.
