Microsoft korporatsiiasynyń negizin qalaýshy, milliarder-filantrop Bill Geits áieli Melindamen 27 jyl nekeden soń ajyrasatynyn málimdedi. Kompiýter revoliýtsiiasynyń "ikonasy" atanǵan 65 jastaǵy Geits Twitter-de “aradaǵy qarym-qatynasymyz týraly uzaq oilanyp, sol boiynsha kóp jumys istegennen keiin” osyndai sheshim qabyldandy dep jazdy. Siettlde týǵan Geits óziniń otbasyna "biraz keńistik" berýdi surady. Erli-zaiyptynyń úsh balasy bar.
Microsoft korporatsiiasyndaǵy tabysy men Windows operatsiialyq júiesiniń arqasynda Geits álemdegi eń aýqatty adamdar tiziminde 1987 jyldan beri tur. Ol filantropiiamen ainalysý úshin 2014 jyly korporatsiianyń tóraǵasy qyzmetinen ketti. 2020 jyly direktorlar keńesiniń quramynan shyqty.
Geits pen áieliniń qaiyrymdylyq qory búkil álemde gýmanitarlyq is-sharalarǵa milliardtaǵan dollar jumsaǵan, erli-zaiypty negizin qalaǵan qor Afrikada poliomielitpen sátti túrde kúres júrgizdi.
Koronavirýs indeti kezinde de Geits jappai vaktsinalaýdy jarnamalap, onyń mańyzdylyǵyn aityp keledi.
