Microsoft كورپوراتسيياسىنىڭ نەگٸزٸن قالاۋشى, ميللياردەر-فيلانتروپ بيلل گەيتس ەيەلٸ مەليندامەن 27 جىل نەكەدەن سوڭ اجىراساتىنىن مەلٸمدەدٸ. كومپيۋتەر رەۆوليۋتسيياسىنىڭ "يكوناسى" اتانعان 65 جاستاعى گەيتس Twitter-دە “اراداعى قارىم-قاتىناسىمىز تۋرالى ۇزاق ويلانىپ, سول بويىنشا كٶپ جۇمىس ٸستەگەننەن كەيٸن” وسىنداي شەشٸم قابىلداندى دەپ جازدى. سيەتتلدە تۋعان گەيتس ٶزٸنٸڭ وتباسىنا "بٸراز كەڭٸستٸك" بەرۋدٸ سۇرادى. ەرلٸ-زايىپتىنىڭ ٷش بالاسى بار.
Microsoft كورپوراتسيياسىنداعى تابىسى مەن Windows وپەراتسييالىق جٷيەسٸنٸڭ ارقاسىندا گەيتس ەلەمدەگٸ ەڭ اۋقاتتى ادامدار تٸزٸمٸندە 1987 جىلدان بەرٸ تۇر. ول فيلانتروپييامەن اينالىسۋ ٷشٸن 2014 جىلى كورپوراتسييانىڭ تٶراعاسى قىزمەتٸنەن كەتتٸ. 2020 جىلى ديرەكتورلار كەڭەسٸنٸڭ قۇرامىنان شىقتى.
گەيتس پەن ەيەلٸنٸڭ قايىرىمدىلىق قورى بٷكٸل ەلەمدە گۋمانيتارلىق ٸس-شارالارعا ميللياردتاعان دوللار جۇمساعان, ەرلٸ-زايىپتى نەگٸزٸن قالاعان قور افريكادا پوليوميەليتپەن سەتتٸ تٷردە كٷرەس جٷرگٸزدٸ.
كوروناۆيرۋس ٸندەتٸ كەزٸندە دە گەيتس جاپپاي ۆاكتسينالاۋدى جارنامالاپ, ونىڭ ماڭىزدىلىعىن ايتىپ كەلەدٸ.
