Adami áleýetti damytý basqarmasynyń suranysymen Qazaqstan Respýblikasy Sybailas jemqorlyqqa qarsy is-qimyl Agenttiginiń Túrkistan oblysy boiynsha departamenti tarapynan Basqarmaǵa syrtqy taldaý júrgizilgen.
Taldaýdyń basty maqsaty – anyqtalǵan sybailastyq jemqorlyq táýekelderin joiý. Júrgizilgen syrtqy taldaý nátijesimen sybailastyq táýekelderin joiý úshin 24 usynym berildi. Atalǵan másele Túrkistan oblysynyń ákimi Darhan Satybaldynyń tóraǵalyǵymen ótken oblys ákimdigi janyndaǵy sybailas jemqorlyqqa qarsy is-qimyl máseleleri jónindegi komissiiasy jáne Túrkistan oblysy ákimdigi janyndaǵy quqyq buzýshylyq profilaktikasy jónindegi vedomstvoaralyq komissiiasy otyrysynda talqylandy.
Oblystaǵy bilim salasynda kúrdelengen máselerdiń kóp ekendigin alǵa tartqan oblys basshysy júrgizilgen syrtqy taldaý nátijesimen zań talaptaryna sáikes naqty jumystar isteýdi tapsyrdy. Qordalanǵan máselelerdi sheshý úshin kezeń-kezeńge bólingen is-sharalar josparyn bekitýdi júktedi. Bilim salasyndaǵy zańsyzdyqtyń kózin joiý úshin adami faktordy barynsha azaityp, ortalyqtandyrý jáne tsifrlandyrý júielerine kúsh salýdy mindettedi.
Syrtqy taldaý nátijesi qoldanystaǵy normativtik quqyqtyq aktilerge ózgerister engizip, bilim berý qyzmetine monitoring júrgizýdiń qajettiligin kórsetti. Sondai-aq qyzmet kórsetý protsesin avtomattandyryp, bilim berý uiymy basshylarynyń quqyqtyq saýattylyǵyn arttyryp, bilim berý uiymdaryndaǵy kitap qoryna túgendeý júrgizýdiń qajettigin aiqyndap berdi.
Túrkistan oblysy boiynsha tórt jyldan beri jumys.snation.kz portaly arqyly konkýrstyq negizde qabyldanady. Atalǵan júie eń basty jalǵan diplomdarǵa tosqaýyl qoiýdy qamtamasyz etedi. Jalǵan diplomdardy anyqtaý boiynsha tekserý jumystary jalǵasýda. Sybailas jemqorlyqtyń aldyn alý maqsatynda pedagogterge biliktilik sanattaryn berý (rastaý) tártibin elektrondy «E-PORTFOLIO» portaly arqyly pedagogterdi attestattaýdan ótti.
Adami áleýetti damytý basqarmasynyń basshysy Dinislam Bolathanulynyń baiandaýynsha syrtqy taldaý nátijesinde memlekettik bilim berý uiymdarynyń birinshi basshylarynyń rotatsiialaryn oryn aýystyrý kestesin eskere otyryp aiaqtaý jóninde usynym berilgen. Túrkistan oblysy boiynsha 381 mekteptiń basshysyna qyzmetin atqarǵanyna 7 jyl tolǵan. 156-i bir eldi mekende ornalasqan jáne olar rotatsiialaý komissiiasyna usynylady. Qalǵan 225 bilim berý uiymy bir eldi mekende ornalaspaǵan, sondyqtan rotatsiialaýǵa jatpaidy.
«Mektepke deiingi bilim berý uiymdarynyń 267 memlekettik mekemeniń 141 meńgerýshisine laýazymdyq mindetti atqarǵanyna 7 jyl nemese odan joǵary. Onyń ishinde bir eldi mekende ornalasqan 67 mekemeniń meńgerýshisi rotatsiialaý komissiiasyna usynylady. Túrkistan oblysynda jalpy 223 mekeme basshysy, mektepke deiingi jáne orta bilim berý uiymdary basshylary rotatsiialaýǵa jatady. Taldaý barysynda anyqtalǵan sybailastyq táýekelderin joiý arqyly oblystyń bilim salasynda sybailas jemqorlyq faktileriniń azaiýyna alyp keledi dep sanaimyn. Osy rette, jemqorlyq faktilerine ákeletin táýekelderine taldaý jumysy turaqty jalǵasyn taýyp, sybailas jemqorlyqqa qarsy kúres baǵytyndaǵy jumystar jandandyrylatyn bolady», – dedi basqarma basshysy.
Óńirde E-KITAPHANA elektrondy júiesin engizý arqyly barlyq bilim berý mekemeleriniń kitaphana qoryna inventarizatsiia júrgizip, nátijesinde 2017-2022 jyl aralyǵyndaǵy jaramsyz jáne tozyǵy jetken 3 mln-ǵa jýyq oqýlyq jalpy kitaphana qory esebinen shyǵaryldy. Sonymen qatar, aldaǵy ýaqytta mektep kitaphanashylarymen oqytý sabaqtary, lektsiialar ótkizý josparlanýda.
