Bilim jáne ǵylym ministri Ashat Aimaǵambetov ailyqtyń tómendigine bailanysty bilim salasynda basqarýshy kadrlar jetispeitinin málim etti, – dep habarlaidy "Ult aqparat".
«Bilim júiesin qarjylandyrý salasyna da qazir aitarlyqtai ózgerister engizilip jatyr. Sizdiń (Memleket basshysyna) Tamyz keńesinde bergen tapsyrmańyzdyń aiasynda bilim júiesin basqarýdyń modeli transformatsiiaǵa ushyraýda. Birinshi ret mektepter men balabaqshalardyń direktorlaryn, direktorlardyń orynbasarlaryn attestattaýdan ótkizip, emtihan qorytyndysy boiynsha olarǵa tiisti sanat beriledi. Sol sanatqa bailanysty 100 paiyzdyq eńbekaqy kóleminde ústemeaqy beriledi», - dedi Ashat Aimaǵambetov Ulttyq qoǵamdyq senim keńesiniń otyrysynda.
Ministrdiń aitýynsha qazir bilim salasynda basqarýshy kadrlardyń jetispeýshiligi seziledi.
«Sebebi mekteptiń direktory nemese orynbasary muǵalimnen qaraǵanda edáýir az aqsha alady. Al ainalyp kelgende olarǵa túsetin jumys júktemesi óte aýyr. Sol sebepti osyndai sharalardy júzege asyramyz», - dedi ministr.
