بٸلٸم جەنە عىلىم مينيسترٸ اسحات ايماعامبەتوۆ ايلىقتىڭ تٶمەندٸگٸنە بايلانىستى بٸلٸم سالاسىندا باسقارۋشى كادرلار جەتٸسپەيتٸنٸن مەلٸم ەتتٸ, – دەپ حابارلايدى "ۇلت اقپارات".
«بٸلٸم جٷيەسٸن قارجىلاندىرۋ سالاسىنا دا قازٸر ايتارلىقتاي ٶزگەرٸستەر ەنگٸزٸلٸپ جاتىر. سٸزدٸڭ (مەملەكەت باسشىسىنا) تامىز كەڭەسٸندە بەرگەن تاپسىرماڭىزدىڭ اياسىندا بٸلٸم جٷيەسٸن باسقارۋدىڭ مودەلٸ ترانسفورماتسيياعا ۇشىراۋدا. بٸرٸنشٸ رەت مەكتەپتەر مەن بالاباقشالاردىڭ ديرەكتورلارىن, ديرەكتورلاردىڭ ورىنباسارلارىن اتتەستاتتاۋدان ٶتكٸزٸپ, ەمتيحان قورىتىندىسى بويىنشا ولارعا تيٸستٸ سانات بەرٸلەدٸ. سول ساناتقا بايلانىستى 100 پايىزدىق ەڭبەكاقى كٶلەمٸندە ٷستەمەاقى بەرٸلەدٸ», - دەدٸ اسحات ايماعامبەتوۆ ۇلتتىق قوعامدىق سەنٸم كەڭەسٸنٸڭ وتىرىسىندا.
مينيستردٸڭ ايتۋىنشا قازٸر بٸلٸم سالاسىندا باسقارۋشى كادرلاردىڭ جەتٸسپەۋشٸلٸگٸ سەزٸلەدٸ.
«سەبەبٸ مەكتەپتٸڭ ديرەكتورى نەمەسە ورىنباسارى مۇعالٸمنەن قاراعاندا ەدەۋٸر از اقشا الادى. ال اينالىپ كەلگەندە ولارعا تٷسەتٸن جۇمىس جٷكتەمەسٸ ٶتە اۋىر. سول سەبەپتٸ وسىنداي شارالاردى جٷزەگە اسىرامىز», - دەدٸ مينيستر.
