Qyrkúiek aiynyń birinshi juldyzynan bastap, pedagogika mamandyǵynda oqityn stýdentterdiń shákirtaqysy 42 myń teńgege artyp otyr. Qazaqstan Respýblikasynyń Bilim jáne ǵylym ministri Ashat Aimaǵambetovtyń aitýynsha, bul baǵa barlyq mamandyqtardyń ishindegi eń joǵarǵy stipendiia, - dep habarlaidy «Ult aqparat».
Belgili bolǵanyndai, Ulttyq biryńǵai testileýde joǵary ball jinaǵan túlekterdiń pedogogikalyq baǵyttaǵy mamandyqtardy tańdai bastaǵan. Bul túlekter arasynda suranys bar degendi bildiredi.
«Resmi statistikaǵa súiensek, ótken jyly pedagogika mamandyǵyn tańdaǵan stýdentterdiń stipendiiasy 21 myń teńgeni qurasa, prezidenttiń tapsyrmasynan keiin jeltoqsan aiynda 26 myń teńgege deiin ósken edi. Al 1 qyrkúiekten bastap bolashaq pedagogterdiń stipendiiasy 42 myń teńge mólsherinde bolyp otyr. Bul barlyq mamandyqtyń ishindegi eń joǵarǵy stipendiia bolady. Aita keterligi, stýdentter kesheden beri osy stipendiiany ala bastady. Bul jas pedagogtardyń suranysyn arttyryp, yntasyn kúsheitýge degen birden bir jol dep túsinemin» - dep jazdy Aimaǵambetov Facebook paraqshasynda.
Esterińizge sala keteiik, biyl pedagogikalyq mamandyqtarǵa túsý úshin shekti ball birden 70-ke deiin kóterildi. Ótken jyly qabyldanyp, biyl kúshine engen «Pedagog mártebesi týraly» zań qabyldanǵannan keiin osy mamandyqqa degen qyzyǵýshylyq artqan. Mysaly, biyl «Altyn belgi» tósbelgisi iegerleriniń arasynda pedagogikalyq mamandyqty tańdaǵandardyń sany 1,7 ese ósti. Al kóptegen baǵyt boiynsha ortasha ball 100-den asty. Buryn pedagogikalyq mamandyqqa túsetinderdiń ortasha baly 65-ti quraityn.
«Sonymen qatar, bilim alýshylar úshin doktoranttardyń stipendiiasy 102 myńnan 150 myń teńgege deiin ósti. Mundai shara jas ǵalymdardy qoldaý úshin óte mańyzdy, óitkeni doktoranttardyń otbasylary bar jáne olar óz zertteýlerin júrgizýmen ainalysady. Biz osy másele tóńireginde jastardyń tereń bilim alyp, ǵylym jolynda izdenýlerine múmkindikter berilip otyr, - dep atap kórsetti Aimaǵambetov.
Budan bólek, 2020 jyldyń qyrkúiek aiynan bastap memlekettik granttyń quny aitarlyqtai ósken. Munyń mańyzdylyǵy: joǵary oqý oryndarynda oqytýshylardyń jalaqysyn arttyryp, materialdyq-tehnikalyq bazasyn nyǵaitýǵa múmkindik beredi.
Esterińizge sala keteiik, Qyrkúiek aiynyń birinshi juldyzynan bastap, pedagogika mamandyǵynda oqityn stýdentterdiń shákirtaqysy 42 myń teńgege artyp otyr. Qazaqstan Respýblikasynyń Bilim jáne ǵylym ministri Ashat Aimaǵambetovtyń aitýynsha, bul baǵa barlyq mamandyqtardyń ishindegi eń joǵarǵy stipendiiany qurap otyr. Sonymen qatar, ótken jyly «Pedagog mártebesi týraly» Zań qabyldanyp, biyldan bastap kúshine engen. «Pedagog mártebesi týraly» Zańnyń 4-babyna sáikes Qazaqstan Respýblikasynda pedagogtiń erekshe mártebesi tanylady, bul onyń kásiptik qyzmetin júzege asyrýy úshin jaǵdaidy qamtamasyz etedi. Zańda pedagogtiń ádebi, kásiptik qyzmetin júzege asyrý kezindegi quqyqtary, pedagogti materialdyq jáne materialdyq emes qamtamasyz etý, t.b. máseleler qamtylǵan.
