Qazaqstanda tiimsiz joǵary oqý oryndaryn ońtailandyrý jumysy jalǵasady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
Pedagogtar men bilim jáne ǵylym salasy qyzmetkerleriniń respýblikalyq tamyz keńesi barysynda Ashat Aimaǵambetov Bilim jáne ǵylym ministrligine qarasty joǵary oqý oryndary oqytýshylarynyń jalaqysyn 1 qyrkúiekten bastap ortasha eseppen 25 paiyzǵa arttyrý josparlanyp otyrǵandyǵyn aitty.
«Direktorlar keńesin qurý máselesi de qarastyrylyp jatyr. Onyń quramyna bilim salasyndaǵy top-menedjerler, sarapshylar, jumys berýshiler, memlekettik tapsyrysty bóletin uiymdardyń ókilderi kiredi. Joǵary oqý oryndaryn liga boiynsha saralaý júrgiziledi. Biz tiimsiz joǵary oqý oryndaryn ońtailandyrý jumysyn jalǵastyramyz», - dedi ministr.
Onyń atap ótýinshe, elimizde joǵary oqý oryndary 4 liga boiynsha saralanatyn bolady. Birinshi ligaǵa halyqaralyq deńgeide básekege qabiletti joǵary oqý oryndary kiredi.
«Mundai joǵary oqý oryndary 100 paiyz akademiialyq erkindikke ie bolady. Memlekettik baqylaýdan bosatý olarǵa tekserýge alańdamaýǵa múmkindik beredi», - dedi ol.
