QR Bilim jáne ǵylym ministri Erlan Saǵadievtiń 2016 jylǵy 29 tamyz kúngi buiryǵymen elimizdegi barlyq mektepterde arnaiy «Kúndelik» jobasynyń pilottyq nusqasy daiyndalýy kerek bolǵan. Bir qyzyǵy, búkil elimizdegi mektepterdiń barlyǵyn qamtityn joba ne bary úsh kúnniń ishinde 2016 jyldyń 1 qyrkúiegine deiin daiyn bolýy kerek edi.
Alǵashqy nusqasy aptaǵa jetpeitin ýaqyttyń ishinde daiyn bolǵan jobaǵa sol kezde qarjy da bólingen eken.
Degenmen, osynsha az ýaqyttyń ishinde daiyn bolǵan «Kúndeliktiń» qaidan kelgeni kóp uzamai-aq ashylyp qaldy.
«Baqsam baqa eken» demekshi, ministrdiń tapsyrmasyn der kezinde oryndaýǵa tyrysqan jandaishaptar reseilik «Dnevnik» saityn ainaqatesiz, sózbe sóz kóshirip alady. Bul týraly tanymal bloger, ári ustaz Aiatjan Ahmetjan óziniń áleýmettik jelidegi paraqshasynda jazdy.
«Jylaiyn ba, kúleiin be? bizdiń ministrlik bir memlekette esi durys bir sait jasaityn bir adam joq dep oilaityn sekildi she?
Sonda deimin de memleketten neshe milliard teńge bólingen jobany týra Reseidiń jobasyn qazaqshaǵa ainaldyryp kóshire salý UIaT emes pe? QYLMYS emes pe?
Aitarǵa sózim joq, elektrondy jýrnalǵa, kúndelikke ótemiz dep jyl boiy jyr qylǵanda tek bireýdikin kóshire salý ǵana qoldan keldi me?
Negizi sózim joq... aitýdyń ózi uiat...
Tipti búkil ministrlikte ózinshe oilai alatyn, kóshirmege ainaldyrmaiyq deitin bir adam joq pa?
Senbeseńder myna eki siltemeni salystyryńdarshy...
Bizdiki: https://kundelik.kz/
Reseidiki: https://dnevnik.ru/
Qairan eldiń esil qazynasy....
Eger daiar shablonǵa kóshirýge milliardtap aqsha bólse, meniń de qolymnan keledi», - deidi Aiatjan Ahmetjan (grammatikakasy saqtalǵan - agenttik).
Aiatjannyń áleýmettik jelidegi jazbasyna pikir jazǵandar ministrliktiń bul jobany qotaryp alýmen qoimai durys jumys istemeitindigin de alǵa tartady. "Osy kúndelikte bir ana bir balanyń ǵana anasy bolyp kórsetiledi. Ekinshi balaǵa əkesi, úshinshisi ata nemese apasy t.b. al bes balasy barlarǵa týystaryn izdep otyrasyń sol», - dep pikir qaldyrypty áleýmettik jeli qoldanýshysy.
Sonymen qatar taǵy bir azamat: «Taǵy bir qyzyq jeri, Reseidegi «Dnevnik» jobasy Sankt-Peterbýrgta jasalǵan kommertsiialyq joba - RF ministrligine múldem qatysy joq, eshqandai memlekettik emes resýrs. Al bizdikiler bul jobany memlekettik joba retinde bilim júiesine engizgisi keledi.
Ol degeni - memlekettik bilim saiasaty, bilim bazasy men derekteri ýaqyttyń ótýimen sheteldik kommertsiialyq kompaniianyń menshiginiń qolastynda bolady degen sóz», - dep óz oiyn jazypty.
Qalai degenmen de qyrýar qarjy bólip, el igiligi úshin qolǵa alǵan jobanyń ózimizdiń ulttyq ereksheligimizge, memlekettik ustanymymyzǵa sai bolǵanyna ne jetsin. Ózgeniń qańsyǵy, bizge tańsyq bolǵannan utarymyz ne?
Al osy joba qolǵa alynatyn bolsa, elimizdegi mektepterdiń jekelegen saittary jabylyp qalýy múmkin, tipti qazirden bilim salasyndaǵy ózge saittarǵa, ózge jobalarǵa jumys isteýge múmkindik berilmei jatyr degen pikirler de aitylǵan eken.
