قر بٸلٸم جەنە عىلىم مينيسترٸ ەرلان ساعاديەۆتٸڭ 2016 جىلعى 29 تامىز كٷنگٸ بۇيرىعىمەن ەلٸمٸزدەگٸ بارلىق مەكتەپتەردە ارنايى «كٷندەلٸك» جوباسىنىڭ پيلوتتىق نۇسقاسى دايىندالۋى كەرەك بولعان. بٸر قىزىعى, بٷكٸل ەلٸمٸزدەگٸ مەكتەپتەردٸڭ بارلىعىن قامتيتىن جوبا نە بارى ٷش كٷننٸڭ ٸشٸندە 2016 جىلدىڭ 1 قىركٷيەگٸنە دەيٸن دايىن بولۋى كەرەك ەدٸ.
العاشقى نۇسقاسى اپتاعا جەتپەيتٸن ۋاقىتتىڭ ٸشٸندە دايىن بولعان جوباعا سول كەزدە قارجى دا بٶلٸنگەن ەكەن.
دەگەنمەن, وسىنشا از ۋاقىتتىڭ ٸشٸندە دايىن بولعان «كٷندەلٸكتٸڭ» قايدان كەلگەنٸ كٶپ ۇزاماي-اق اشىلىپ قالدى.
«باقسام باقا ەكەن» دەمەكشٸ, مينيستردٸڭ تاپسىرماسىن دەر كەزٸندە ورىنداۋعا تىرىسقان جاندايشاپتار رەسەيلٸك «دنەۆنيك» سايتىن ايناقاتەسٸز, سٶزبە سٶز كٶشٸرٸپ الادى. بۇل تۋرالى تانىمال بلوگەر, ەرٸ ۇستاز اياتجان احمەتجان ٶزٸنٸڭ ەلەۋمەتتٸك جەلٸدەگٸ پاراقشاسىندا جازدى.
«جىلايىن با, كٷلەيٸن بە? بٸزدٸڭ مينيسترلٸك بٸر مەملەكەتتە ەسٸ دۇرىس بٸر سايت جاسايتىن بٸر ادام جوق دەپ ويلايتىن سەكٸلدٸ شە?
سوندا دەيمٸن دە مەملەكەتتەن نەشە ميلليارد تەڭگە بٶلٸنگەن جوبانى تۋرا رەسەيدٸڭ جوباسىن قازاقشاعا اينالدىرىپ كٶشٸرە سالۋ ۇيات ەمەس پە? قىلمىس ەمەس پە?
ايتارعا سٶزٸم جوق, ەلەكتروندى جۋرنالعا, كٷندەلٸككە ٶتەمٸز دەپ جىل بويى جىر قىلعاندا تەك بٸرەۋدٸكٸن كٶشٸرە سالۋ عانا قولدان كەلدٸ مە?
نەگٸزٸ سٶزٸم جوق... ايتۋدىڭ ٶزٸ ۇيات...
تٸپتٸ بٷكٸل مينيسترلٸكتە ٶزٸنشە ويلاي الاتىن, كٶشٸرمەگە اينالدىرمايىق دەيتٸن بٸر ادام جوق پا?
سەنبەسەڭدەر مىنا ەكٸ سٸلتەمەنٸ سالىستىرىڭدارشى...
بٸزدٸكٸ: https://kundelik.kz/
رەسەيدٸكٸ: https://dnevnik.ru/
قايران ەلدٸڭ ەسٸل قازىناسى....
ەگەر دايار شابلونعا كٶشٸرۋگە ميللياردتاپ اقشا بٶلسە, مەنٸڭ دە قولىمنان كەلەدٸ», - دەيدٸ اياتجان احمەتجان (گرامماتيكاكاسى ساقتالعان - اگەنتتٸك).
اياتجاننىڭ ەلەۋمەتتٸك جەلٸدەگٸ جازباسىنا پٸكٸر جازعاندار مينيسترلٸكتٸڭ بۇل جوبانى قوتارىپ الۋمەن قويماي دۇرىس جۇمىس ٸستەمەيتٸندٸگٸن دە العا تارتادى. "وسى كٷندەلٸكتە بٸر انا بٸر بالانىڭ عانا اناسى بولىپ كٶرسەتٸلەدٸ. ەكٸنشٸ بالاعا əكەسٸ, ٷشٸنشٸسٸ اتا نەمەسە اپاسى ت.ب. ال بەس بالاسى بارلارعا تۋىستارىن ٸزدەپ وتىراسىڭ سول», - دەپ پٸكٸر قالدىرىپتى ەلەۋمەتتٸك جەلٸ قولدانۋشىسى.
سونىمەن قاتار تاعى بٸر ازامات: «تاعى بٸر قىزىق جەرٸ, رەسەيدەگٸ «دنەۆنيك» جوباسى سانكت-پەتەربۋرگتا جاسالعان كوممەرتسييالىق جوبا - رف مينيسترلٸگٸنە مٷلدەم قاتىسى جوق, ەشقانداي مەملەكەتتٸك ەمەس رەسۋرس. ال بٸزدٸكٸلەر بۇل جوبانى مەملەكەتتٸك جوبا رەتٸندە بٸلٸم جٷيەسٸنە ەنگٸزگٸسٸ كەلەدٸ.
ول دەگەنٸ - مەملەكەتتٸك بٸلٸم ساياساتى, بٸلٸم بازاسى مەن دەرەكتەرٸ ۋاقىتتىڭ ٶتۋٸمەن شەتەلدٸك كوممەرتسييالىق كومپانييانىڭ مەنشٸگٸنٸڭ قولاستىندا بولادى دەگەن سٶز», - دەپ ٶز ويىن جازىپتى.
قالاي دەگەنمەن دە قىرۋار قارجى بٶلٸپ, ەل يگٸلٸگٸ ٷشٸن قولعا العان جوبانىڭ ٶزٸمٸزدٸڭ ۇلتتىق ەرەكشەلٸگٸمٸزگە, مەملەكەتتٸك ۇستانىمىمىزعا ساي بولعانىنا نە جەتسٸن. ٶزگەنٸڭ قاڭسىعى, بٸزگە تاڭسىق بولعاننان ۇتارىمىز نە?
ال وسى جوبا قولعا الىناتىن بولسا, ەلٸمٸزدەگٸ مەكتەپتەردٸڭ جەكەلەگەن سايتتارى جابىلىپ قالۋى مٷمكٸن, تٸپتٸ قازٸردەن بٸلٸم سالاسىنداعى ٶزگە سايتتارعا, ٶزگە جوبالارعا جۇمىس ٸستەۋگە مٷمكٸندٸك بەرٸلمەي جاتىر دەگەن پٸكٸرلەر دە ايتىلعان ەكەن.
