QR Bilim jáne ǵylym ministrliginiń Ǵylym komitetiniń «Biologiialyq qaýipsizdik problemalarynyń ǵylymi-zertteý institýty» RMK (BQPǴZI) QR ÁM «Ulttyq ziiatkerlik menshik institýty» RMK-ǵa (KAZPATENT) COVID-19 aldyn alýǵa arnalǵan vaktsinany jáne koronavirýstyq infektsiia shtammyn ázirleý jónindegi eki patenttik ótinim berdi.
Bul týraly QR Ádilet ministrliginiń resmi saitynda habarlandy.
Qazirgi tańda eki ótinim de KAZPATENT-tiń formaldy saraptama kezeńinen ótti.
«Kúni búginge deiin BQPǴZI ǵalymdary patent alý úshin eki ótinim berdi:
1. 2020 jylǵy mamyr aiynda - «COVID-19 aldyn alý úshin ásersizdendiretin vaktsinany alý tásili»;
2. 2020 jylǵy tamyz aiynda - «COVID-19 koronavirýstyq infektsiiasyna qarsy vaktsinalardyń erekshe profilaktikalyq quraldaryn ázirleý, laboratoriialyq diagnostikalaý jáne biologiialyq qorǵanysynyń tiimdiligin baǵalaý úshin qoldanylatyn COVID-19 koronavirýstyq infektsiiasy virýsynyń «SARS-CoV-2/KZ_Almaty/04.2020» shtammy».
«Qazirgi kezde ótinimder máni boiynsha saraptama kezeńinen ótýde. Saraptamanyń nátijesi oń bolǵan jaǵdaida ónertabys patentteledi» - dep habarlady KAZPATENT direktory Ermek Qýantyrov.
Patent ónertabystyń patentke qabilettiligin, atap aitqanda, «jańalyq», «ónertabystyq deńgeige jetkendigi», «ónerkásipte qoldanýǵa jaramdylyǵy» sharttaryna sáikes kelýin tekseretin saraptamanyń nátijeleri boiynsha beriledi.
