Bilim ministrligi 8 joǵary oqý ornynyń qyzmetin tekseredi. Bul jaiynda Májilis depýtattarynyń saýalyna Bilim jáne ǵylym ministri Ashat Aimaǵambetovtiń jaýabynda aitylǵan, dep habarlaidy "Ult aqparat".
«2020 jylǵy jeltoqsannan bastap, joǵary oqý oryndarynyń kommertsiialyq emes aktsionerlik qoǵamdarǵa qaita uiymdastyrylýynyń aiasynda ministrlik vedomstvolyq baǵynysty joǵary oqý oryndarymen birlesip, olardyń esebin retke keltirý, Jer kodeksiniń talaptaryna sáikes keltirý, joǵary oqý oryndarynyń jyljymaityn múlik obektileri týraly málimetterdi memlekettik organdardyń derekterimen birizdendirý maqsatynda jer ýchaskelerin qosa alǵanda, barlyq jyljymaityn múlik obektilerin túgendeý boiynsha jumys júrgizýde. Sonymen qatar, osy jyly ministrlik segiz joǵary oqý ornynyń qyzmetin tekserýdi josparlap otyr, onyń barysynda olardyń aktivteriniń jaikúii tekseriletin bolady», - dedi ministr.
Onyń atap ótýinshe, ministrlik memlekettik múlik jónindegi ýákiletti organda kelisýdegi jyljymaityn múlikti, onyń ishinde jer ýchaskelerin ielikten shyǵarý máselelerin Direktorlar keńesiniń quzyretine jatqyzý bóliginde JOO Jarǵylaryna ózgerister engizý máselesin pysyqtaǵan. Bul baqylaýdy kúsheitýge jáne joǵary oqý oryndarynyń aktivterin qandai da bir ielikten shyǵarýdyń aldyn alýǵa múmkindik beredi.
«Joǵary oqý oryndarynyń Direktorlar keńesteri korporativtik sheshimder qabyldaý kezinde ashyqtyqty qamtamasyz etý úshin qurylǵanyn atap ótken jón. Direktorlar keńesiniń quramyna Qazaqstan Respýblikasy Parlamentiniń depýtattary, bilim berý salasynyń kórnekti qairatkerleri jáne táýelsiz sarapshylar engizilgen. Osy maqsatta konkýrstyq rásimder ótkizý arqyly joǵary oqý oryndarynyń rektorlaryn taǵaiyndaýdyń ashyq júiesi engizildi. Jalpy, joǵary oqý oryndary qyzmetiniń tiimdiligi men ashyqtyǵyn arttyrý máseleleri ministrliktiń turaqty baqylaýynda», - dedi Ashat Aimaǵambetov.
