Áleýmettik jelide mektep oqýlyqtary jaily daý kóp. Buǵan deiin de bolǵan, bola da bermek. Biylǵy oqý jyly da mundai talas-tartystan kende bolmady. Biylǵy shý 5-synypqa arnalǵan matematika tóńireginen shyqty. Bul joly oqý quralynyń avtorlary plagiatshylar dep aiyptaldy. Teksere kelgende bul «jańalyq» ta shyndyqqa janaspaityn bolyp shyqty, dep habarlaidy QR Bilim jáne ǵylym ministrliginiń baspasóz qyzmeti.
«Olga Býtko atty jeli qoldanýshysy óziniń Facebook-akkaýntynda kitaptaǵy №15 esep «internetten kóshirilgen» dep jazdy. «Tipti sandardy da ózgertpegen!» - dep ashýlanady avtor. Akkaýnt iesiniń aitýynsha, oqýlyqty qurastyrýshylar bireýdiń eńbegin paidalanǵanymen qoimai, qalamaqy da alyp otyr. Avtordyń atyna aitylǵan bul synnyń jany bar sekildi bolyp kórinedi», delingen habarlamada.
Vedomstvo jaýabyndaǵy málimetterge súiensek, Býtkonyń jazbasynda oqýlyqtyń beti men atalǵan eseptiń skrinshoty berilgen. Ol 2015 jyly internet resrýstardyń birinde jariialanǵan da. Alaida, avtor asyǵys pikir bildirgen. №15 esep 2015 jyly basylǵan matematika oqýlyǵynan alynǵany ras. (ol esep kitaptyń 9 betinde №23 esep dep berilgeni beinelengen). Al T. Aldamuratova - sol matematika ǵana emes, qazirgi jańarǵan matematikanyń da avtory. Iaǵni kitap avtory retinde óziniń eń sátti jumysyn qaita basylǵan kitapta paidalanýǵa tolyq quqy bar.
Sondai-aq, jaýap jazbada T. Aldamuratovanyń besinshi synypqa arnalǵan matematika oqýlyǵy alǵash ret 2001 jyly basylǵan. Oqý quraly 4 ret qaita basylǵany, 2017 jylǵy basylym kezinde oqýlyq mazmuny jańartylǵan baǵdarlamaǵa sai ózgertilgeni aitylady. Sondyqtan da esep esh ózgermesten jańa oqý quralyna engen eken.
Olga Býtkonyń postyn myna jerden kórýge bolady.
