Bilim jáne ǵylym ministri Ashat Aimaǵambetov óńir ákimdikterinen UBT nátijeleri boiynsha oblystardyń, qalalar men mektepterdiń reitingterin jasamaýdy surady, dep habarlaidy "Ult aqparat".
«UBT kezinde qoǵamdyq tártipti saqtaý, UBT ótkizý pýnkterin meditsinalyq personaldarmen qamtamasyz etý qajet. Ekinshiden, UBT nátijeleri boiynsha oblystardyń, qalalar men mektepterdiń reitingterin jasamaýdy suraimyz. Qazirgi tańda UBT - óz erkimen joǵarǵy oqý oryndaryna túsý úshin tapsyratyn emtihan bolǵandyqtan, osy nátijelerdi reiting jasaýǵa paidalaný - bizdiń oiymyzsha, durys emes», - dedi Bilim jáne ǵylym ministri Úkimet otyrysynda.
Ashat Aimaǵambetov úshinshiden, mektep bitirýshiler men olardyń ata-analaryna qolaily jaǵdai jasaýdy, balalardy tasymaldaý máselesin uiymdastyrýdy surady.
«Jalpy, UBT ótkizýge daiyndyq josparǵa sai júrgizilip jatyr. Biylǵy testileýdi ótkizýge daiynbyz», - dedi ministr.
