Bilim jáne ǵylym ministri Ashat Aimaǵambetovtyń esepteýinshe, oqýshy qandai mamandyqty tańdaitynyn 7-shi synyptan aiqyndai bastaýy kerek, dep habarlaidy QazAqparat.
«Jańa oqý jylynda 200 myńǵa jýyq bala erte profilizatsiiaǵa ótedi. Ózderińiz biletindei, qazirgi tańda 10 synyptyń oqýshylary jańa baǵdarlamaǵa kóshedi. Onda belgili bir pánder boiynsha profilizatsiia qarastyrylǵan. Men Almaty qalasyndaǵy jáne birneshe óńirdegi mektepterdiń direktorlarymen kezdestim. Keibir túsinispeýshilik bar. Biz nusqaýlyq-ádistemelik hatta bul jailardyń bárin jazdyq. Jalpy, mamandyqty aiqyndaý máselesi – óte ózekti. Búgingi tańda mamandyqty aiqyndaýdyń sipaty mynadai: JOO-lar men kolledjder oqýshylarǵa tek 11 synypta qysqa nemese kóktemge taiaý keledi. Oqý ornyn jarnamalaidy. Al ol ýaqytta oqýshy óziniń keleshektegi mamandyǵyn tańdap ta qoiady. Bul mamandyqty aiqyndaý emes», - dedi ministr Tamyz konferentsiiasynda.
Ashat Aimaǵambetov mamandyqty aiqyndaý jumysy júieli sipatqa ie bolýy kerektigin jetkizdi.
«Bizdiń oiymyzsha, mamandyqty aiqyndaý jetinshi synyptan bastalýy kerek. Iaǵni, aldyn ala profdiagnostika júrgizilip, qajetti sharalar qabyldanýy tiis. Bilim jáne ǵylym ministrliginde bul jumysty qalai júzege asyrý jaǵynan naqty jospary bar», - dedi Ashat Aimaǵambetov.
