بٸلٸم جەنە عىلىم مينيسترٸ اسحات ايماعامبەتوۆتىڭ ەسەپتەۋٸنشە, وقۋشى قانداي ماماندىقتى تاڭدايتىنىن 7-شٸ سىنىپتان ايقىنداي باستاۋى كەرەك, دەپ حابارلايدى قازاقپارات.
«جاڭا وقۋ جىلىندا 200 مىڭعا جۋىق بالا ەرتە پروفيليزاتسيياعا ٶتەدٸ. ٶزدەرٸڭٸز بٸلەتٸندەي, قازٸرگٸ تاڭدا 10 سىنىپتىڭ وقۋشىلارى جاڭا باعدارلاماعا كٶشەدٸ. وندا بەلگٸلٸ بٸر پەندەر بويىنشا پروفيليزاتسييا قاراستىرىلعان. مەن الماتى قالاسىنداعى جەنە بٸرنەشە ٶڭٸردەگٸ مەكتەپتەردٸڭ ديرەكتورلارىمەن كەزدەستٸم. كەيبٸر تٷسٸنٸسپەۋشٸلٸك بار. بٸز نۇسقاۋلىق-ەدٸستەمەلٸك حاتتا بۇل جايلاردىڭ بەرٸن جازدىق. جالپى, ماماندىقتى ايقىنداۋ مەسەلەسٸ – ٶتە ٶزەكتٸ. بٷگٸنگٸ تاڭدا ماماندىقتى ايقىنداۋدىڭ سيپاتى مىناداي: جوو-لار مەن كوللەدجدەر وقۋشىلارعا تەك 11 سىنىپتا قىسقا نەمەسە كٶكتەمگە تاياۋ كەلەدٸ. وقۋ ورنىن جارنامالايدى. ال ول ۋاقىتتا وقۋشى ٶزٸنٸڭ كەلەشەكتەگٸ ماماندىعىن تاڭداپ تا قويادى. بۇل ماماندىقتى ايقىنداۋ ەمەس», - دەدٸ مينيستر تامىز كونفەرەنتسيياسىندا.
اسحات ايماعامبەتوۆ ماماندىقتى ايقىنداۋ جۇمىسى جٷيەلٸ سيپاتقا يە بولۋى كەرەكتٸگٸن جەتكٸزدٸ.
«بٸزدٸڭ ويىمىزشا, ماماندىقتى ايقىنداۋ جەتٸنشٸ سىنىپتان باستالۋى كەرەك. ياعني, الدىن الا پروفدياگنوستيكا جٷرگٸزٸلٸپ, قاجەتتٸ شارالار قابىلدانۋى تيٸس. بٸلٸم جەنە عىلىم مينيسترلٸگٸندە بۇل جۇمىستى قالاي جٷزەگە اسىرۋ جاعىنان ناقتى جوسپارى بار», - دەدٸ اسحات ايماعامبەتوۆ.
