QR Bilim jáne ǵylym ministri Erlan Saǵadiev muǵalimderdiń jalaqysyn kóterýdi qolǵa almaq, dep xabarlaidy Ult.kz tilshisi QazAqparat agenttigine silteme jasap.
«Pedagogtardyń jalaqysy tym tómen ekendigimen kelisemin. Biz bul baǵytta jumys jasap jatyrmyz. Barlyq jańashyldyqtardy pedagogtarmen birge talqylaityn ádetimiz bar, sondyqtan qarjylyq máselelerdi de muǵalimdermen, Úkimetpen jáne Májilispen birge talqylaityn bolamyz. Biz 2017 jylǵy biýdjette pedagogtardyń jalaqysyn kótere alamyz dep úmittenemin. Pedagog mamandyǵy ájeptáýir bedeldi bolady», - dedi ol.
Onyń sózinshe, jaqyn jyldary Qazaqstan úshin balabaqsha, mektep pen joǵary oqý oryndaryna qosymsha 200 myń pedagog qajet bolady.
«Bul jyl saiyn jańa jumys ornyn ashatyn salaǵa ainalady», - dedi ministr.
.jpeg)