Bilim jáne ǵylym ministri Ashat Aimaǵambetov balalardyń jazǵy demalysy men bos ýaqytyn uiymdastyrý jumysy týraly pikirin bildirdi, – dep habarlaidy "Ult aqparat".
«Balalardyń jazǵy demalysy men bos ýaqytyn uiymdastyrý, saýyqtyrý máselesi óte mańyzdy. Bul rette, esimizden bir másele shyqpaýy tiis, bastysy - balalardyń densaýlyǵy. Óńirlerdiń ózderi epidemiologiialyq ahýalǵa sáikes sheshim qabyldaidy. Qaýipsiz bolsa ǵana máseleni sheshý kerek. Balalardy qalai bolsa da saýyqtyrý ortalyǵyna jiberý qajet degen sózdi eshkim qozǵap otyrǵan joq. Eń bastysy, balalardyń qaýipsizdigi birinshi orynǵa qoiylsyn», - dedi Ashat Aimaǵambetov Bilim jáne ǵylym ministrliginiń apparat otyrysynda.
Ministrdiń aitýynsha, jylda muǵalimder ata-analardan ártúrli qolhat alatyn dástúr bar.
«Ol qanshalyqty durys? Ata-analar onsyz da óz balalary úshin jaýapty. Eshqandai qolhat qajet emes. Jaz aiynda muǵalimder demalýy tiis. Ata-analardan «balalarymyzǵa ózimiz jaýaptymyz» dep qolhat alý – oiǵa qonymsyz másele. Ony toqtaýymyz kerek. Bul máseleni mektep basshylaryna jetkizgen abzal», - dedi ol.
