Bilim jáne ǵylym ministri Ashat Aimaǵambetov bilim salasyndaǵy jalǵan ári aqyly olimpiadalar men konkýrstardyń marapattaryna shekteý qoiý kerektigin málim etti, dep habarlaidy QazAqparat.
Bilim jáne ǵylym ministrliginiń apparat otyrysynda Ashat Aimaǵambetov keiingi kezderi ártúrli aqyly marapattardyń keń tarap ketkenine alańdaitynyn jetkizdi. Aitýynsha, olardyń dizainy da, aty da resmi bekitilgen marapattarǵa ábden jaqyndatylǵan.
«Keibiri túsinbei, basqalary ádeii «Ult ustazy», Ybyrai Altynsarin atyndaǵy, basqa da ártúrli tósbelgilerdi aqsha tólep, alyp jatyr. Bul máseleni birneshe ret talqylaǵan edik. Biraq áli de bul úrdis azaimai tur», - dedi Ashat Aimaǵambetov.
Otyrysta sóz alǵan Bilim jáne ǵylym vitse-ministri Sholpan Qarinova bilim salasynda bekitilgen vedomstvolyq resmi nagradalardy atap ótti. Olar: Ybyrai Altynsarin tósbelgisi, «Qazaqstan Respýblikasynyń bilim berý isiniń qurmetti qyzmetkeri» tósbelgisi, «Ǵylymdy damytýǵa sińirgen eńbegi úshin» tósbelgisi, «Eńbek ardageri» tósbelgisi, «Qurmet» gramotasy, Alǵys.
«Budan basqa bilim salasynda bektiligen eshqandai nagrada joq. Sondyqtan basqa paidalanyp júrgen, satyp alyp júrgen nagradalary durys emes ári pedagogikalyq ádepke sáikes kelmeidi», - dedi Sholpan Qarinova.
Budan keiin qaita sóz alǵan Ashat Aimaǵambetov bul úrdisti toqtatý kerektigin eskertti.
«Osy másele boiynsha túsindirý jumysyn júrgizý qajet. Satyp alatyn marapat – marapat emes. Bir árine, keibir jaǵdaida ártúrli qoǵamdyq marapattar bolatynyn túsinemiz. Biraq olar aqyly bolmaýy kerek. Eger qoǵamdyq marapat aqyly bolsa, onyń esh qasieti, qundylyǵy joq. Keibir áriptesterimiz túsinbei, osyndai áreketterge baryp jatqandar bar. Óitkeni, bul máseleni kótermesek bolmaidy. Mektepterde ártúrli aqyly konkýrstar men olimpiadalar bolmaýy kerek. Ol túsinikti shyǵar. Biz tegin konkýrstardyń sanyn kóbeitemiz», - dedi Ashat Aimaǵambetov.
