Bilim ministri Ashat Aimaǵambetov biyl Qazaqstanda bilim granttarynyń sany 5 myńǵa artatynyn málimdedi. Ministr bul týraly búgin QR Prezidenti janyndaǵy Ortalyq kommýnikatsiialar qyzmeti alańynda ótken brifingte málimdedi, - dep habarlaidy «Ult aqparat».
Ministrdiń aitýynsha, kelesi oqý jylyna bakalavriat baǵdarlamasy boiynsha 51 561 grant bólindi, onyń ishinde «Serpin» baǵdarlamasy da bar. Mańǵystaýlyq Azamat Dáden oqýǵa túsýde «Serpin» baǵdarlamasyn paidalanýdy da oilastyryp júrgen túlektiń biri. Onyń aitýynsha, jastar barlyq múmkindikterdi qarastyrýy qajet.
«Men biyl oqýǵa tapsyratyn talapkerlerdiń birimin. Tańdaǵan mamandyǵym – meditsina. Al oqityn óńirdi tańdamaimyn. Men tańdaǵan mamandyq suranysqa ie salanyń biri bolǵandyqtan, eger memlekettik grant bolmaǵan jaidaida «Serpin» baǵdarlamasy arqyly Soltústik óńirge barýǵa da daiynmyn. Eń bastysy, elge qajet maman bolyp qalyptasyp shyqsam bolǵany», - deidi Azamat Dáden.
Aita keteiik, 2014 jyldan bastap Qazaqstanda «Serpin – 2050» «Máńgilik el jastary – indýstriiaǵa» memlekettik baǵdarlama jumys isteidi. Baǵdarlama maqsaty - halqy tyǵyz ornalasqan elimizdiń ońtústik aimaqtaryndaǵy jastardy kadr jetispeýshiligi baiqalǵan Qazaqstannyń soltústik, batys jáne shyǵys óńirlerinde oqytyp, jumysqa ornalastyrý. Bul baǵdarlama birinshi jyly pedagogikalyq mamandyqtar boiynsha iske asqan, keiinnen onyń aiasy keńeiip, tehnikalyq jáne aýylsharýashylyq mamandyqtaryn qamtyp otyr. «Serpin» baǵdarlamasymen grant negizinde oqýǵa túsken stýdentter jataqhanamen qamtamasyz etiledi jáne oqý bitirgen soń jumysqa turýǵa ýniversitet yqpal jasaidy.
Sonymen qatar, Bilim ministri Ashat Aimaǵambetov joǵary bilimniń qoljetimdiligin arttyrý úshin 2025 jylǵa deiin grant sany 50%-ǵa artatynyn atap ótti.
«Sondai-aq, Nur Otan partiiasynyń sailaýaldy baǵdarlamasyn júzege asyrý jónindegi jol kartasy sheńberinde taǵy 5000 grant bólý qarastyrylǵan. Bakalavriat baǵdarlamasy boiynsha granttyń jalpy sany - 56 561. Magistratýra boiynsha - 13 263, doktorantýra – 1890. Kadr daiarlaýǵa arnalǵan granttar qajetti baǵyttar boiynsha bólinedi», – dep atap ótti ministr.
Aita ketken jón, jyl saiyn jas ǵalymdarǵa 1000 grant bólinedi. Al 500 qazaqstandyq ǵalym «Bolashaq» baǵdarlamasy aiasynda tanymal álemdik ǵylymi ortalyqtarǵa taǵylymdamadan ótýge jiberiledi. Bilim jáne ǵylym ministrliginiń aqparatyna sáikes, 2021 jyly "Bolashaq" baǵdarlamasy boiynsha oqý úshin 1 055 stipendiia bólindi, onyń 555-i magistratýra, rezidentýra, doktorantýra jáne taǵylymdama baǵdarlamalary boiynsha bólinetin bolady. Taǵy 500 stipendiiany ǵalymdar alady. Stipendiiaǵa úmitkerlerge akademiialyq oqý úshin 80 mamandyq jáne taǵylymdamadan ótý úshin 137 mamandyq usynylady. 2021 jyly «Bolashaq» stipendiiasyna qujattardy qabyldaý tek EGov portaly arqyly aǵymdaǵy jyldyń 4 mamyrynan 28 qazanyna deiin úzdiksiz júzege asyrylady.
Esterińizge sala keteiik, búgin QR Prezidenti janyndaǵy Ortalyq kommýnikatsiialar qyzmeti alańynda ótken brifingte Bilim ministri Ashat Aimaǵambetov biyl Qazaqstanda bilim granttarynyń sany 5 myńǵa artatynyn málimdedi. Ministrdiń aitýynsha, kelesi oqý jylyna bakalavriat baǵdarlamasy boiynsha 51 561 grant bólindi, onyń ishinde «Serpin» baǵdarlamasy da bar. Sondai-aq, Nur Otan partiiasynyń sailaýaldy baǵdarlamasyn júzege asyrý jónindegi jol kartasy sheńberinde taǵy 5000 grant bólý qarastyrylǵan. Bakalavriat baǵdarlamasy boiynsha granttyń jalpy sany - 56 561. Magistratýra boiynsha - 13 263, doktorantýra – 1890. Kadr daiarlaýǵa arnalǵan granttar qajetti baǵyttar boiynsha bólinedi.
