Foto: ashyq derekkóz
Bilim kúnine arnalǵan saltanatty is-shara elimizdiń barlyq óńirlerinde dástúrli túrde 1 qyrkúiekte ótedi. Bul týraly Oqý-aǵartý ministrliginiń baspasóz hatshysy – resmi ókili Mereke Amangeldiqyzy habarlady.
2024-2025 jańa oqý jylynda 345 myń birinshi synyp oqýshysy alǵash ret mektep partasyna otyrady. Olar úshin 1 qyrkúiekte "Mektebim — meiirim mekeni" taqyrybynda saltanatty shara ótedi.
"2 qyrkúiekte — jańa oqý jylynyń birinshi kúni — "Meniń Otanym — Qazaqstan" taqyrybynda Biryńǵai synyp saǵatymen bastalyp, ári qarai sabaq kestesine sáikes jalǵasady.
Pedagogterdiń eńbegine aqy tóleýge qatysty Qazaqstan Respýblikasy Eńbek kodeksiniń 79-babyna sáikes jumys berýshi qyzmetkerdiń naqty jumys istegen jáne jumys istemegen ýaqytynyń esebin júrgizýge mindetti ekenin habarlaimyz", — dep málimdedi ministrliktiń resmi ókili.
Derekke qaraǵanda, demalys jáne mereke kúnderi jumys istegen qyzmetkerdiń qalaýy boiynsha basqa demalys kúni beriledi nemese qyzmetkerdiń kúndik (saǵattyq) mólsherlemesi boiynsha keminde eki ese mólsherde aqy tólenedi.
