Qazaqstandyq bilim jáne ǵylym qyzmetkerleri kásipodaǵy Arys turǵyndaryna kómek kórsetti, dep habarlaidy "Ult aqparat" vedomstvonyń baspasóz qyzmetine silteme jasap.
Kásipodaq tóraiymy Maira Amantaeva Arys qalasyna arnaiy baryp, barlyq óńirdegi aimaqtyq bilim jáne ǵylym salasynyń kásipodaqtary aýdarǵan 13 mln teńgeni arnaiy esep-shotqa aýdardy.
Qaiyrymdylyq is-shara Arys qalasy ákimdiginiń májilis zalynda ótti. Jiynǵa jergilikti atqarý organdarynyń ókilderi, bilim berý oshaqtarynyń basshylary men bastaýysh kásipodaq uiymdarynyń tóraǵalary qatysty.
Jumys sapary barysynda salalyq kásipodaq uiymynyń tóraiymy Maira Amantaeva jarylys saldarynan zardap shekken birqatar bilim berý uiymdaryna baryp, olardyń jaǵdaiymen tanysty.
Joǵaryda atalǵan qarjylai kómekpen qatar, atalmysh kásipodaqtyń aimaqtardaǵy uiymdary arystyq balalardy jazǵy lagerlerge ornalastyryp, kiim-keshekpen qamtamasyz etý jumystaryn jalǵastyryp jatyr.
Aita ketý kerek, 95 jyldyq tarihy bar Qazaqstandyq bilim jáne ǵylym qyzmetkerleri kásipodaǵy - eldegi eń iri qoǵamdyq uiym. Atalǵan kásipodaq quramynda 700 myńnan astam múshe bar.
