قازاقستاندىق بٸلٸم جەنە عىلىم قىزمەتكەرلەرٸ كەسٸپوداعى ارىس تۇرعىندارىنا كٶمەك كٶرسەتتٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
كەسٸپوداق تٶرايىمى مايرا امانتاەۆا ارىس قالاسىنا ارنايى بارىپ, بارلىق ٶڭٸردەگٸ ايماقتىق بٸلٸم جەنە عىلىم سالاسىنىڭ كەسٸپوداقتارى اۋدارعان 13 ملن تەڭگەنٸ ارنايى ەسەپ-شوتقا اۋداردى.
قايىرىمدىلىق ٸس-شارا ارىس قالاسى ەكٸمدٸگٸنٸڭ مەجٸلٸس زالىندا ٶتتٸ. جيىنعا جەرگٸلٸكتٸ اتقارۋ ورگاندارىنىڭ ٶكٸلدەرٸ, بٸلٸم بەرۋ وشاقتارىنىڭ باسشىلارى مەن باستاۋىش كەسٸپوداق ۇيىمدارىنىڭ تٶراعالارى قاتىستى.
جۇمىس ساپارى بارىسىندا سالالىق كەسٸپوداق ۇيىمىنىڭ تٶرايىمى مايرا امانتاەۆا جارىلىس سالدارىنان زارداپ شەككەن بٸرقاتار بٸلٸم بەرۋ ۇيىمدارىنا بارىپ, ولاردىڭ جاعدايىمەن تانىستى.
جوعارىدا اتالعان قارجىلاي كٶمەكپەن قاتار, اتالمىش كەسٸپوداقتىڭ ايماقتارداعى ۇيىمدارى ارىستىق بالالاردى جازعى لاگەرلەرگە ورنالاستىرىپ, كيٸم-كەشەكپەن قامتاماسىز ەتۋ جۇمىستارىن جالعاستىرىپ جاتىر.
ايتا كەتۋ كەرەك, 95 جىلدىق تاريحى بار قازاقستاندىق بٸلٸم جەنە عىلىم قىزمەتكەرلەرٸ كەسٸپوداعى - ەلدەگٸ ەڭ ٸرٸ قوعامدىق ۇيىم. اتالعان كەسٸپوداق قۇرامىندا 700 مىڭنان استام مٷشە بار.
