Qazaqstannyń bilim berý nysandary halyqaralyq reitingterden kórinip keledi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Jalpy otandyq bilim berý júiesiniń sapasyn halyqaralyq reitingterden kórýge bolady. Olardyń básekege qabilettiligi óte joǵary dep aita alamyn. Mysaly, kolledjder boiynsha WorldSkills chempionatynyń qortyndysyn qarasaq, Qazaqstan 60 astam qatysýshy elderi arasynda 50-shi orynnan 14-orynǵa deiin kóterildi. Kórip otyrǵandaryńyzdai, jaqsy dinamika bar», - dedi Ashat Aimaǵambetov Úkimet otyrysynda.
Sonymen birge, QS halyqaralyq reitingisinde 2016 jyly 8 ǵana ýniversitet bolsa, búgingi kúni Qazaqstannan 14 joǵary oqý orny enip otyr.
«3 joǵary oqý orny bedeldi Times Higher Education reitingisine kiredi. Kórshiles eldermen, kóp sheteldik memlekettermen salystyrǵanda bul jaqsy jetistik», - dedi Bilim jáne ǵylym ministri.
