قازاقستاننىڭ بٸلٸم بەرۋ نىساندارى حالىقارالىق رەيتينگتەردەن كٶرٸنٸپ كەلەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«جالپى وتاندىق بٸلٸم بەرۋ جٷيەسٸنٸڭ ساپاسىن حالىقارالىق رەيتينگتەردەن كٶرۋگە بولادى. ولاردىڭ بەسەكەگە قابٸلەتتٸلٸگٸ ٶتە جوعارى دەپ ايتا الامىن. مىسالى, كوللەدجدەر بويىنشا WorldSkills چەمپيوناتىنىڭ قورتىندىسىن قاراساق, قازاقستان 60 استام قاتىسۋشى ەلدەرٸ اراسىندا 50-شٸ ورىننان 14-ورىنعا دەيٸن كٶتەرٸلدٸ. كٶرٸپ وتىرعاندارىڭىزداي, جاقسى ديناميكا بار», - دەدٸ اسحات ايماعامبەتوۆ ٷكٸمەت وتىرىسىندا.
سونىمەن بٸرگە, QS حالىقارالىق رەيتينگٸسٸندە 2016 جىلى 8 عانا ۋنيۆەرسيتەت بولسا, بٷگٸنگٸ كٷنٸ قازاقستاننان 14 جوعارى وقۋ ورنى ەنٸپ وتىر.
«3 جوعارى وقۋ ورنى بەدەلدٸ Times Higher Education رەيتينگٸسٸنە كٸرەدٸ. كٶرشٸلەس ەلدەرمەن, كٶپ شەتەلدٸك مەملەكەتتەرمەن سالىستىرعاندا بۇل جاقسى جەتٸستٸك», - دەدٸ بٸلٸم جەنە عىلىم مينيسترٸ.
