Almaty qalasynyń bilim basqarmasy Sharyn shatqalynda oqýshylardy qutqarý kezinde qaza tapqan muǵalim týraly aitty, dep habarlaidy "Ult aqparat".
Almaty qalasy bilim basqarmasynyń málimetinshe, 26 jastaǵy Merei Ibragimov kórkemóner pánderinen sabaq bergen. Eńbek ótili – 5 jyl.
Keiingi 3 jylda ol №199 gimnaziiada jumys istegen.
«Óte jaýapty muǵalim, búkil oqýshynyń súiikti ustazy, óz isiniń sheberi, birneshe býyn túlekterine bilim berip, tárbielep shyǵardy. Erekshe jarqyn shyǵarmashyl adam, ómirde jetekshi, maqsatshyl edi», – dep atap ótti bilim basqarmasynan.
Kýágerlerdiń aitýynsha, qaiǵyly oqiǵa kezinde Merei Ibragimov balalarǵa kómektesken.
Esterińizge sala ketsek, 29 mamyr kúni Almaty oblysynyń Sharyn shatqalynda sel júrip, 2 adam mert bolǵany, taǵy bireýiniń iz-túzsiz joǵalǵany habarlanǵan bolatyn.
Keiin Bilim jáne ǵylym ministrligi atalǵan oqiǵa saldarynan 1 oqýshy men 1 muǵalimniń qaza tapqanyn, taǵy bir oqýshyny izdeý jumysy júrgizilip jatqanyn málim etken edi.
«Sharyn shatqaly» qyzmetkerleri Sharyn ózeniniń boiyn jaǵalai jer betinde izdeý-qutqarý jumystaryn júrgizý barysynda 30 mamyr tańǵy saǵat 09:34-te 2010 jyly dúniege kelgen qyz balany tapty.
Ol Sharyn ózeniniń sol jaǵalaýynda oqiǵa ornynan 3-4 shaqyrym jerden tabylǵan.
Keiinirek Almaty qalalyq bilim basqarmasy Sharyn shatqalyna ekskýrsiia mektep ákimshiligimen kelisilmegenin jetkizdi.
