Kórneki sýret: iStock
Antikor Oqý-aǵartý ministrligine mektepterdegi tamaqtaný máselelerine nazar aýdarý kerektigin eskertti, - dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Vedomstvo ministrlikke azyq-túlik jetkizýshilerine MektepMenu-ge qol jetkizýdi qamtamasyz etý boiynsha negizsiz sharttar jasasý tájiribesin joiýdy usyndy.
"Jetkizýshiler Bólshek saýda jáne tamaqtaný qaýymdastyǵymen birge atalǵan máseleni kóterdi. Ótinishtiń máni Kundelik aqparattyq júiesimen biriktirilgen MektepMenu portalynda "mázir men taǵamdar" fotosýretterin ornalastyrý úshin negizsiz aqy alý boldy.
Bilim jáne ǵylym ministriniń 2018 jylǵy 31 qazandaǵy buiryǵyna sáikes mektepter tamaqtaný mázirin saitqa jariialaý kerek. Oqý-aǵartý ministrliginiń túsindirmesine sáikes osy aqparattardy internet-resýrstarynda (Instagram, Facebook, Kundelik, Bilimal) tegin negizde ornalastyrýǵa bolady. Biraq 2022 jyldyń qarasha aiynan bastap, Bilim basqarmasynyń usynysy boiynsha azyq-túlik jetkizýshileri "NetInfoDistribution" kompaniiasymen shart jasasyp, mázirdi MektepMenu portalynda aqyly negizde jariialai bastady. Jetkizýshiler mundai qyzmetterge aqy tóleý qosymsha shyǵyn ekenin jáne ata-analarǵa aýyrtpashylyq túsetinin atap ótti", - delingen habarlamada.
Vedomstvo málimetinshe, elordalyq 94 mektepti tamaqpen qamtamasyz etetin 12 jetkizýshi anyqtaldy. Olar MektepMenu-ge qol jetkizý úshin 2,5 million teńgeden astam qarajat tólegen. Jalpy 7 óńirde osyǵan uqsas faktiler 405 mekteppen jumys isteitin 117 jetkizýshige de qatysty.
"Kásipkerlerdiń quqyqtaryn qorǵaý maqsatynda Sybailas jemqorlyqqa qarsy qyzmet Oqý-aǵartý ministrliginiń, Bilim basqarmasynyń, "Kundelik" JShS jáne "NetInfoDistribution" kompaniiasynyń ókilderimen kezdesý ótkizdi. Kezdesý qorytyndysy boiynsha aqparattyq júielerde tamaqtaný mázirin tegin ornalastyrýdy qaita bastaý týraly sheshim qabyldandy. "NetInfoDistribution" JShS-men jetkizýshilerdiń sharttary buzyldy", - dep tolyqtyrdy vedomstvo.
Alaida memlekettik satyp alý portalynyń keiingi monitoringi mektep mekemeleriniń MektepMenu portalyna qol jetkizýde qyzmetter kórsetý boiynsha konkýrs ótkize bastaǵanyn jáne NetInfoDistribution-men sharttar jasasa bastaǵanyn kórsetti.
Máselen, elordalyq antikor Bilim basqarmasymen qaita kezdesý ótkizip, úshinshi tulǵalardy tartpai tegin negizde tamaqtaný týraly aqparatty ornalastyrýdy usyndy. Nátijesinde konkýrstar joiylyp, sharttar buzyldy. 5,5 million teńgeni tiimsiz paidalanýǵa jol berilmedi. Osyndai faktiler 13 million teńgeden astam somaǵa elimizdiń 169 mektebinde anyqtaldy.
"Sybailas jemqorlyqqa qarsy qyzmet Oqý-aǵartý ministrligine Kundelik portalynda oqýshylardyń tamaqtaný mázirin deldal kompaniialarsyz tegin ornalastyrý múmkindigin qamtamasyz etý jóninde hat joldady. Sebebi, úshinshi tulǵalardy tartý negizsiz shyǵyndar men biýdjet qarajatyn tiimsiz paidalanýǵa ákep soǵady. Sonymen qatar agenttik aýmaqtyq departamentterine MektepMenu qyzmetterine memlekettik satyp alýlardyń kúshin joiýdy baqylaý tapsyryldy", - delingen Antikor jariialaǵan aqparatta.
