Bilim alýdyń qalyptasqan dástúrli tásiline qaita kóshýdiń tártibin ázirlegen jón. Bul týraly Memleket basshysy Qasym-Jomart Toqaev málim etti, dep habarlaidy "Ult aqparat".
«Koronavirýs indetiniń saldarynan dúnie júzindegi mektep oqýshylary men stýdentterdiń basym kópshiligi qashyqtan oqýǵa kóshti. Bul jumystyń tásili men mazmunyn túbegeili ózgertýde.
Qashyqtan oqytý isin uiymdastyrýda Úkimettiń jibergen qatelikterin jaqsy bilemiz.
Ashyǵyn aitqanda, áli kúnge deiin naqty bir onlain-platforma joq. Muǵalimder, oqýshylar jáne ata-analar kúndiz-túni «WhatsApp»-tan bas kótermeitin boldy.
Tolyqqandy oqý úderisi úshin qajetti barlyq fýnktsiialary bar biryńǵai onlain bilim berý platformasyn shuǵyl ázirleý qajet.
Degenmen, sapaly bilim alý úshin ádettegidei sabaqqa qatysyp, muǵalimdermen jáne synyptastarmen aralasýdyń orny bólek. Sondyqtan, sanitarlyq talaptardy saqtai otyryp, bilim alýdyń qalyptasqan dástúrli tásiline qaita kóshýdiń tártibin ázirlegen jón. Bul, ásirese, mektepter úshin mańyzdy», - dedi Prezident Qazaqstan halqyna jyl saiynǵy dástúrli Joldaýynda.
Memleket basshysynyń aitýynsha, kúndelikti máselelerdi sheshýmen qatar, balalardyń bárine birdei múmkindik týǵyzý úshin júieli sharalar qabyldaý qajet.
«Balalarymyz qai jerde tursa da, qandai tilde oqysa da sapaly bilim alýy kerek», - dedi Qasym-Jomart Toqaev.
