sýret:muslimmirror.com
Stambýl soty "bilikti balaǵattady" dep aiyptalǵan qala meri Ekrem Imamoǵlyny eki jyl, jeti aiǵa bas bostandyǵynan aiyrdy. Sonymen birge bostandyqqa shyqqannan keiin oǵan saiasatpen ainalysýǵa tyiym salǵan, dep habarlaidy Azattyq radiosy.
Imamoǵly qazirgi prezident Rejep Erdoǵannyń basty qarsylasy sanalady.
Sot Imamoǵlynyń 2019 jyly aitqan sózderin "bilikti balaǵattaý" dep tanydy. Sol jyly ol bilik partiiasynan túsken qarsylasyn jeńip, Stambýl meri bolyp sailanǵan edi.
Biraq sailaý komissiiasy "burmalaýshylyq boldy" dep, sailaýdy qaita ótkizbek bolǵan. Imamoǵly ekinshi ret ótkizilgen sailaýda da jeńiske jetti. Sol kezde ol sailaý komissiiasynyń múshelerin "aqymaq" degen. Túrkiia zańnamasy boiynsha, bilik ókilderin balaǵattaǵan adam tórt jylǵa deiin bas bostandyǵynan aiyrylýy múmkin.
Ekrem Imamoǵly - Túrkiiadaǵy basty oppozitsiialyq Respýblikalyq halyqtyq partiiasynyń lideri. Bul partiianyń negizin qalaǵan - Mustafa Kemal Atatúrik.
Sarapshylar Imamoǵlyny kelesi jyly Túrkiiada ótetin prezident sailaýynda Erdoǵannyń basty qarsylasy retinde atap kelgen.
