سۋرەت:muslimmirror.com
ستامبۋل سوتى "بيلٸكتٸ بالاعاتتادى" دەپ ايىپتالعان قالا مەرٸ ەكرەم يماموعلىنى ەكٸ جىل, جەتٸ ايعا باس بوستاندىعىنان ايىردى. سونىمەن بٸرگە بوستاندىققا شىققاننان كەيٸن وعان ساياساتپەن اينالىسۋعا تىيىم سالعان, دەپ حابارلايدى ازاتتىق راديوسى.
يماموعلى قازٸرگٸ پرەزيدەنت رەجەپ ەردوعاننىڭ باستى قارسىلاسى سانالادى.
سوت يماموعلىنىڭ 2019 جىلى ايتقان سٶزدەرٸن "بيلٸكتٸ بالاعاتتاۋ" دەپ تانىدى. سول جىلى ول بيلٸك پارتيياسىنان تٷسكەن قارسىلاسىن جەڭٸپ, ستامبۋل مەرٸ بولىپ سايلانعان ەدٸ.
بٸراق سايلاۋ كوميسسيياسى "بۇرمالاۋشىلىق بولدى" دەپ, سايلاۋدى قايتا ٶتكٸزبەك بولعان. يماموعلى ەكٸنشٸ رەت ٶتكٸزٸلگەن سايلاۋدا دا جەڭٸسكە جەتتٸ. سول كەزدە ول سايلاۋ كوميسسيياسىنىڭ مٷشەلەرٸن "اقىماق" دەگەن. تٷركييا زاڭناماسى بويىنشا, بيلٸك ٶكٸلدەرٸن بالاعاتتاعان ادام تٶرت جىلعا دەيٸن باس بوستاندىعىنان ايىرىلۋى مٷمكٸن.
ەكرەم يماموعلى - تٷركيياداعى باستى وپپوزيتسييالىق رەسپۋبليكالىق حالىقتىق پارتيياسىنىڭ ليدەرٸ. بۇل پارتييانىڭ نەگٸزٸن قالاعان - مۇستافا كەمال اتاتٷرٸك.
ساراپشىلار يماموعلىنى كەلەسٸ جىلى تٷركييادا ٶتەتٸن پرەزيدەنت سايلاۋىندا ەردوعاننىڭ باستى قارسىلاسى رەتٸندە اتاپ كەلگەن.
