Memlekettik kirister komitetiniń baspasóz qyzmeti bilbordtaǵy jarnamaǵa aqy tóleý men ornalastyrý erejeleri týraly, sondai-aq osy sala kimniń baqylaýynda ekeniny aityp berdi, dep habarlaidy "Ult aqparat".
Kórneki jarnama úshin aqy ony jalpyǵa ortaq paidalanylatyn avtomobil joldarynyń júris bóliginde, eldi mekenderdegi úi-jaidan tys ashyq keńistikte ornalastyrǵany úshin alynady.
Bul Qazaqstan Respýblikasynyń «Salyq jáne biýdjetke tólenetin basqa da mindetti tólemder týraly» kodeksi (Salyq kodeksi) 603 babynyń 1-tarmaǵynda kórsetilgen.
Jarnama salasyndaǵy ýákiletti organ - QR Ulttyq ekonomika ministrligi. Vedomstvo «Jarnama týraly» Zańynyń 17-1-baby 1-tarmaǵynyń 1) tarmaqshasyna sáikes syrtqy (kórneki) jarnamany ornalastyrý erejelerin ázirleidi jáne bekitedi.
Zań sonymen qatar Qazaqstan Respýblikasynyń jarnama týraly zańnamasynyń saqtalýyna memlekettik baqylaýdy óz quzyreti sheginde respýblikalyq mańyzy bar qalalardyń, elordanyń, oblystyq mańyzy bar qalalardyń jergilikti atqarýshy organdary júzege asyratyndyǵyn jáne olar eskertýsiz ornalastyrylǵan syrtqy (kórneki) jarnamany anyqtaityndyǵyn belgileidi.
Salyq kodeksine sáikes, jergilikti atqarýshy organdar ai saiyn, esepti aidan keiingi aidyń 15-inen keshiktirmei, syrtqy (kórneki) jarnama ornalastyrylǵan jerdegi salyq organdaryna tóleýshiler, alymdardyń mólsheri, syrtqy (kórneki) jarnamanyń merzimi men ornalasqan jeri, ýákiletti organ belgilegen nysandaǵy habarlamalar jiberilý( jiberilmeý) týraly málimetti berip otyrady.
Osylaisha, syrtqy (kórneki) jarnama obektilerin anyqtaý máselesi QR Ulttyq ekonomika ministrliginiń quzyretine kiredi, al eskertýsiz ornalastyrylǵan syrtqy (kórneki) jarnama obektisin anyqtaý jergilikti atqarýshy organdardyń quzyretine jatady.
Bul rette salyq organdary jergilikti atqarýshy organdar usynǵan aqparat negizinde tólemder alady.
