«Qamshy» aqparat agenttiginiń jetekshisi, «Attila group» internet kompaniiasynyń ókili Bilál Qýanysh «Memlekettik tildiń latyn grafikasyndaǵy álipbiiniń biryńǵai standartyn engizý máseleleri týraly» parlamenttik tyńdaý kezinde sóz sóiledi.
«Aldaǵy ýaqytta qoldanysqa enetin «Attila group» kompaniiasy jasaǵan konverter tildiń damýyna kepildik bermek. Endi osy konverterdiń artyqshylyqtaryna toqtala keteiin. Birinshisi, bizdiń mamandarymyz on jyldan beri zerttep kele jatqan qazaq álipbileriniń konverter júiesi osy kúnge deiin álem qazaqtary paidalanyp kele jatqan kirill, latyn, tóte jazýlardy bir-birine qateliksiz aýdara alatyn biregei júie», - deidi ol.
«Mysaly, Siz kirill álipbiimen oqyǵan adam bolsańyz «Attila group» kompaniiasy jasaǵan konverter júiesin kompiýterińizge nemese uialy telefonyńyzǵa ornatý arqyly kez kelgen ýaqytta kez kelgen mátindi jańa álipbi nusqasyna aýdara alasyz. Tipti «Abai joly» romanyn 3 sekýnd aralyqta jańa álipbi júiesimen oqýǵa múmkindigińiz bolady», - deidi Bilál myrza.
Bul konverterdi kez kelgen kompiýterge, uialy telefonnyń kez kelgen nusqasyna, kez kelgen programmalyq quraldarda paidalanýǵa múmkindik bar.
