Shahmatshy qyz Bibisara Asaýbaeva bapker Solojenkinniń aiyptaýlaryna jaýap berdi, - dep habarlaidy Tengrinews.kz tilshisi.
"Solojenkin myrza úlken kisi siiaqty edi. Kishkentai bala emes shyǵar. Búkil álemge jaiyp aityp jatqany ras emes. Ókinishti. Imperator Neron tarihta qalý úshin Rimdi órtep jiberdi. (...) Al Solojenkin meni "ótirik aitty" dep oidan shyǵaryp, aiyptap otyr. Árbir adam dańqqa ár túrli jolmen jetedi. Biraq biz Solojenkinge qatysty máseleni Máskeýdiń sotynda qaraimyz ", - dedi Bibisara Asaýbaeva.
Aita keteiik, 2017 jyldyń qyrkúieginde reseilik bapker Máskeýge kóship kelip, Resei atynan óner kórsetip júrgen qazaqstandyq 13 jastaǵy shahmatshy qyzdy alaiaqtyq jasady dep, elektrondyq kómek pen grossmeisterlerdiń keńesin qoldandy dep aityptaǵan edi.
Al 30 qańtarda advokat Aleksandr Dobrovinskii Facebook jelisindegi paraqshasynda Bibisarany qorǵaitynyn jazǵan bolatyn. Zańger onda osy istiń tolyq mán-jaiyn aityp berdi.
Bibisara Asaýbaev shahmattan álemniń bes dúrkin chempion. Al byltyr jeltoqsan aiynda Saýd Arabiiasynda ótken jarysta 10-orynǵa ie boldy.
Al 2014 jyly Bibisara Asaýbaeva Dýbaida ótken jastar arasyndaǵy týrnirde jeńip shyqqan bolatyn.
