Foto: Sportty damytý direktsiiasynyń baspasóz qyzmeti
Búgin Máskeýde ótip jatqan "Shahmat juldyzdary" atty halyqaralyq týrnirde sensatsiia boldy. Blits shahmattan eki dúrkin álem chempiony Bibisara Asaýbaeva rapidte básekeniń basty favoriti sanalǵan Sergei Kariakindi jeńdi, dep habarlaidy "Ult aqparat" Sportty damytý direktsiiasynyń baspasóz qyzmetine silteme jasap.
Kariakin – álemdegi eń myqty grossmeisterdiń biri. Qazirgi ýaqytta onyń 2 739 upaiy bar.
Týrnir kommentatorlarynyń aitýynsha, Bibisaranyń blitste álem chempiony bolǵany beker emes. Ol Sergeidiń keremet qorǵanysyna qaramastan, salqynqandy oiynymen jeńiske jetken.
Eki myqtynyń oiyny mazmuny jaǵynan da, tiimdiligi jaǵynan da týrdyń sánin keltirgen.
Foto: Sportty damytý direktsiiasynyń baspasóz qyzmeti
Bibisara buǵan deiingi suhbattarynda osy týrnirde Sergei Kariakin jáne Teimýr Radjabovpen oinaǵysy keletinin birneshe ret aitqan.
Óz kezeginde reseilik grossmeister mundaǵy jalǵyz jeńilisinen uialmaitynyn málimdedi. "Men óte jaqsy oinaityn álem chempionynan utyldym", - dep aitty Kariakin oiynnan keiin.
Aita keteiik, bul jarystyń júlde qory – 15 million rýbl. Qazir munda álemdegi eń myqty shahmatshylar sheberlik baiqasyp jatyr. Olardyń qatarynda Bibisara Asaýbaeva, Sergei Kariakin, Aleksandr Grishýk, Teimýr Radjabov, Raýnaký Sadvani, Fransisko Valeho, Vladislav Artemev, Ekaterina Lagno jáne basqalary bar.
Bir qyzyǵy, qazaqstandyq grossmeister týrnirge qatysatynyn bastalardan eki kún buryn bilgen. Bibisara álem chempiony Vladimir Kramniktiń ornyn basqan.
Rapid básekesi 24-26 qańtarda ótti. Endi Asaýbaeva blits túrinde (28 jáne 30 qańtar) óz sheberligin kórsetedi.
