Foto: Mádeniet jáne aqparat ministrligi
«Astana Opera» teatry sahnasynda ataqty óner qairatkerleri bas qosyp, ańyzǵa ainalǵan ánshi Bibigúl Tólegenovany mereitoiymen quttyqtady, dep habarlaidy Ult.kz Mádeniet jáne aqparat ministrligine silteme jasap.
QR Mádeniet jáne aqparat ministrliginiń qoldaýymen uiymdastyrylǵan kontsertke Shahimardan Ábilov, Aigúl Úlkenbaeva, Alfiia Karimova, sonymen qatar Zarina Altynbaeva, Tolqyn Zabirova, Samal Báiseiitova, Aizada Omarova jáne Nurǵalym Amanbai syndy kóptegen tanymal ártister qatysty.
Foto: Mádeniet jáne aqparat ministrligi
Kesh Ahmet Jubanov pen Latif Hamididiń «Abai» operasynan «Toibastar» jarqyn kórinisimen bastaldy. B.Tólegenova baiqaýynyń laýreattary Rasýl Jarmaǵambetov pen Tatiana Vitsinskaia, «Astana Opera» hory, orkestri men balet trýppasy dirijer, «Qurmet» ordeniniń kavaleri Rýslan Baimýrzinniń jetekshiligimen búkil kontsertke merekelik shyrai qosty.
Foto: Mádeniet jáne aqparat ministrligi
Sondai-aq Qazaqstannyń eńbek sińirgen qairatkeri Nurlan Ónerbaevtyń mánerlep oqýyndaǵy Fariza Ońǵarsynovanyń «Bibigúl – án» óleńi keshtiń kórkine ainaldy. Mereitoi iesiniń shákirti, Qazaqstannyń eńbek sińirgen qairatkeri Tolqyn Zabirovanyń oryndaýyndaǵy Latif Hamididiń «Bulbul» áigili áni barsha halyqtyń súiispenshiligi retinde qabyldandy. Bul án B.Tólegenova shyǵarmashylyǵynda áldeqashan beiresmi simvolǵa ainalǵan edi.
Foto: Mádeniet jáne aqparat ministrligi
«Ata tolǵaýy» qazaq biin oryndaǵan «Astana Balet» trýppasy erekshe syi-siiapat jasady. Kórermender «Forte Trio» aspaptyq ansambliniń oryndaýyndaǵy qazaq ánderinen popýrridi de yqylaspen qabyldady.
Foto: Mádeniet jáne aqparat ministrligi
