BI Group kompaniiasy EXPO-2017 aýmaǵynda bolǵan tótenshe jaǵdaiǵa qatysty málimdeme jasady, - dep habarlaidy "Ult aqparat" tilshisi kompaniianyń baspasóz qyzmetine silteme jasap.
"2016 jyldyń 16 qarashasynda, sársenbide shamamen saǵat 13.10-da EXPO-2017 pavilonynda kópir qurylysynyń bir bóligi opyrylyp tústi. Zardap shekkender men qaza tapqandar joq. Qurylystyń opyrylý sebepteri anyqtalyp jatyr. Bul jobanyń bas merdigeri - BI Group holdinginiń enshiles kásiporny. Joba basshysy Ibragim Jekeevtiń aitýynsha, kópir qurylysy qatty búlingen joq", - dedi kompaniianyń baspasóz qyzmetindegiler.
Al Astana qalalyq Densaýlyq saqtaý basqarmasynyń baspasóz qyzmetindegiler EXPO aýmaǵynda bolǵan tótenshe jaǵdaidan Qazaqstan azamaty, 26 jastaǵy er adamnyń aýrýhanaǵa jetkizilgenin habarlady. "Ol EXPO nysandarynyń birinde óndiristik jaraqat aldy."№1 qalalyq aýrýhana tize jaraqatymen jetkizildi", - dedi vedomstvodaǵylar.
Eske salaiyq, osyǵan deiin Astanadaǵy EXPO-2017 aýmaǵynda qurylys bóliginiń opyrylǵany habarlanǵan bolatyn. Bul búgin, 16 qarashada birneshe saǵat buryn bolyp otyrǵan jaǵdai.
