BI Group كومپانيياسى EXPO-2017 اۋماعىندا بولعان تٶتەنشە جاعدايعا قاتىستى مەلٸمدەمە جاسادى, - دەپ حابارلايدى "ۇلت اقپارات" تٸلشٸسٸ كومپانييانىڭ باسپاسٶز قىزمەتٸنە سٸلتەمە جاساپ.
"2016 جىلدىڭ 16 قاراشاسىندا, سەرسەنبٸدە شامامەن ساعات 13.10-دا EXPO-2017 پاۆيلونىندا كٶپٸر قۇرىلىسىنىڭ بٸر بٶلٸگٸ وپىرىلىپ تٷستٸ. زارداپ شەككەندەر مەن قازا تاپقاندار جوق. قۇرىلىستىڭ وپىرىلۋ سەبەپتەرٸ انىقتالىپ جاتىر. بۇل جوبانىڭ باس مەردٸگەرٸ - BI Group حولدينگٸنٸڭ ەنشٸلەس كەسٸپورنى. جوبا باسشىسى يبراگيم جەكەەۆتٸڭ ايتۋىنشا, كٶپٸر قۇرىلىسى قاتتى بٷلٸنگەن جوق", - دەدٸ كومپانييانىڭ باسپاسٶز قىزمەتٸندەگٸلەر.
ال استانا قالالىق دەنساۋلىق ساقتاۋ باسقارماسىنىڭ باسپاسٶز قىزمەتٸندەگٸلەر EXPO اۋماعىندا بولعان تٶتەنشە جاعدايدان قازاقستان ازاماتى, 26 جاستاعى ەر ادامنىڭ اۋرۋحاناعا جەتكٸزٸلگەنٸن حابارلادى. "ول EXPO نىساندارىنىڭ بٸرٸندە ٶندٸرٸستٸك جاراقات الدى."№1 قالالىق اۋرۋحانا تٸزە جاراقاتىمەن جەتكٸزٸلدٸ", - دەدٸ ۆەدومستۆوداعىلار.
ەسكە سالايىق, وسىعان دەيٸن استاناداعى EXPO-2017 اۋماعىندا قۇرىلىس بٶلٸگٸنٸڭ وپىرىلعانى حابارلانعان بولاتىن. بۇل بٷگٸن, 16 قاراشادا بٸرنەشە ساعات بۇرىن بولىپ وتىرعان جاعداي.
