Elimizdegi mektepter men kolledjderge kompiýterlik tehnika satyp alýda memlekettik qarajattyń ashyqtyǵy tolyq qamtamasyz etý máselesi qozǵaldy, dep habarlaidy "Ult aqparat".
QR Bilim jáne ǵylym ministrliginiń málimetine sai, búgingi tańda jergilikti atqarýshy organdar elimizdegi mektepter men kolledjderge kompiýterlik tehnika satyp alýda. Osyǵan bailanysty memlekettik qarajattyń ashyqtyǵy tolyq qamtamasyz etilip, uqypty jumsalýy qajet.
Búgingi tańda QR BǴM arnaiy resýrs daiyndap jatqanyn aita ketken jón. Bul jerde jergilikti atqarýshy organdar men bilim berý uiymdarynyń ókilderi qazaqstandyq mektepter men kolledjderge tehnikalyq jabdyqtardy satyp alý úrdisiniń ashyqtyǵyn qamtamasyz etý úshin aqparat ornalastyra alady. Sonymen qatar ár túrli deńgeidegi bilim biýdjeti týraly basqa da aqparatty kórýge bolady. Bul týraly búgin Bilim jáne ǵylym vitse-ministri Rústem Biǵari Facebook-tegi paraqshasynda jazdy.
«Biýdjettik qarjylandyrý jáne satyp alý máselelerine qatysty ministrliktiń ustanymy mynadai: tolyq ashyqtyq qamtamasyz etilýi tiis jáne memlekettik qarajat uqypty jumsalýy qajet. Mektepter men kolledjder úshin qarjylandyrý men satyp alýdy ákimdikter nemese bilim berý uiymdary (mektepter, kolledjder) júzege asyrady. Muny bári bile bermeidi. Qazirgi ýaqytta mektepterge kompiýterlerdi jergilikti atqarýshy organdar satyp alyp jatyr. Satyp alý protsedýrasy ashyq júrgizilýi tiis. Qajet bolǵan jaǵdaida, materialdar men fotosýretterdi Arnaiy monitoringtik top múshelerine berý qajet», – dep atap ótti QR Bilim jáne ǵylym vitse-ministri Rústem Biǵari.
Sondai-aq «Atameken» UKP, Tsifrlyq damý, innovatsiialar jáne aeroǵarysh ónerkásibi ministrligi jáne QR Bilim jáne ǵylym ministrligimen jabdyqtarǵa, servistik qyzmet kórsetýge, kepildikterge, sonymen qatar basqa da aspektilerge qoiylatyn eń tómengi talaptar kelisilip, usynymdar retinde jergilikti atqarýshy organdarǵa jiberilgenin esterińizge salamyz.
Buǵan deiin Bilim jáne ǵylym ministrligi jergilikti ákimdikterge tehnikalyq jabdyqtardy jetkizýshilerdi irikteý barysyn qoǵam belsendilerimen, Arnaiy monitoringtik top ókilderimen birlesip uiymdastyrýdy usyndy.
