Qazaqstanda Ulttyq biryńǵai testileý tapsyryp jatqan túlekterdiń alǵashqy legi kóbinde tehnikalyq mamandyqty tańdaǵan. Bul týraly búgin Ortalyq kommýnikatsiialar qyzmetinde ótken baspasóz máslihatynda belgili boldy, dep habarlaidy QazAqparat.
QR Bilim jáne ǵylym ministrligi joǵary oqý ornynan keiingi bilim berý departamentiniń direktory Ádilet Toibaevtyń aitýynsha, UBT engizilgen 16 jyldyń ishinde 1,7 mln túlek synaq tapsyrǵan.
«Jalpy UBT-nyń birinshi legi shatattyq jaǵdaida, qalypty ótti deýge bolady. Ázirge eń joǵary kórsetkish - 137 ball. Erekshe bilim berý qajettigi bar 5 oqýshy da baǵyn synady. Olarǵa barlyq tiisti jaǵdai jasaldy. UBT-nyń tártipke sai ótýin 500-ge jýyq baiqaýshy qadaǵalady. Sol siiaqty barlyq test tapsyratyn 339 aýditoriiada beinebaqylaý ornatylǵan. Keshe testileý ótken pýnktterdiń barlyǵynan ministrliktiń resmi saity men YouTube kanalynda tikelei kórsetilim júrdi. Testileý ótken oryndardyń barlyǵynda uialy bailanys buǵattaldy», - deidi Ádilet Toibaev.
Ministrlik taratqan qosymsha aqparatqa súiensek, túlekter arasynda ázirshe tehnikalyq mamandyqtardy qamtityn oqý baǵdarlamalaryna suranys joǵary.
«Matematika -fizika baǵdarlamalyq kombinatsiiasyn 3963 bala, himiia-biologiia kombinatsiiasyn 2683 oqýshy tańdaǵan. Birinshi lektiń túlekteri arasynda himiia-fizika kombinatsiiasyna eń az suranys tirkeldi», - delingen resmi málimette.
Aite ketsek, QR bilim jáne ǵylym ministrligi biyl UBT synaqtarynyń alǵashqy leginen qansha túlek súrinbei ótkenin jariialady. Qazaqstanda Ulttyq biryńǵai testileýdi tapsyrý 20 maýsymda bastaldy.
