Ádilet Toibaev BǴM Ǵylym komitetiniń tóraǵasy bolyp taǵaiyndaldy, - dep habarlaidy "Ult aqparat" BǴM baspasóz qyzmetine silteme jasap.
"Qazaqstan Respýblikasynyń bilim jáne ǵylym ministriniń buiryǵymen Ádilet Júnisuly Toibaev QR BǴM Ǵylym komitetiniń tóraǵasy bolyp taǵaiyndaldy", - delingen habarlamada.
Ádilet Toibaev 1982 jyly Shyǵys Qazaqstan oblysynda dúniege kelgen. Ál-Farabi atyndaǵy Qazaq ulttyq ýniversitetin támamdaǵan.
Eńbek jolyn 2008 jyly Ál-Farabi atyndaǵy QazUÝ-da oqytýshy bolyp bastaǵan. 2008-2009 jyldary Ál-Farabi atyndaǵy QazUÝ-da ádistemelik bólimniń meńgerýshisi, akademiialyq máseleler jónindegi direktory qyzmetterin atqarǵan. 2011-2017 jyldary Qazaq memlekettik qyzdar pedagogikalyq ýniversitetiniń oqý-ádistemelik bóliminiń meńgerýshisi, oqý isi jónindegi prorektory bolǵan. 2017-2018 jyldary Qazaqstan injenerlik-tehnologiialyq ýniversitetiniń birinshi prorektory-akademiialyq máseleler jónindegi prorektory, al 2018 jyldan bastap qazirge deiin QR BǴM Joǵary jáne joǵary oqý ornynan keiingi bilim berý departamentiniń direktory qyzmetin atqarǵan.
