Qazaqstan Respýblikasy Bilim jáne ǵylym ministrligi Dúniejúzilik bankimen birlese «Orta bilim júiesin modernizatsiialaý» jobasyn resmi iske qosý boiynsha is-shara ótkizedi, dep habarlaidy "Ult aqparat" ministrliktiń baspasóz qyzmetine silteme jasap.
Jobanyń negizgi baǵyttarynyń biri - aýyldyq jerde orta bilim beretin mektepterdegi oqýshylardyń úlgerimderin - aýyldyq mektep muǵalimderiniń áleýetin arttyrý jáne bilim ordalaryn mýltimedialyq qural-jabdyqpen qamtamasyz etý arqyly jaqsartý.
Jobanyń jalpy quny - respýblikalyq biýdjetpen qarjylandyrylatyn salyqty qosa eseptegende 75 mln AQSh dollary.
Josparǵa sáikes, bul qarajatqa aýyldyq mektepterge oqý materialdary men mýltimedialyq qural-jabdyqtar satyp alynyp, bilim berý baǵdarlamalary jaqsartylatyn bolady. Sondai-aq, aýyldyq mektepterdegi muǵalimderdiń áleýetin arttyrý boiynsha sharalar qoldanylyp, erekshe qajettilikteri bar balalarǵa qoldaý kórsetiledi. Joba sheńberinde bilim berýdiń jańartylǵan mazmunyn qoldaýǵa baǵyttalǵan bastamalar kesheni júzege asyrylady dep kútilýde.
Oqýshylardyń oqýdaǵy jetistikteri oqý jáne materialdyq-tehnikalyq resýrstardyń úlestirilýine tikelei bailanysty bolǵandyqtan, joba sheńberinde josparlanǵan is-sharalar elimizdegi árbir mekteptiń jaǵdaiynyń jaqsarýyna, sondai-aq oqýshylardyń úlgerimderi arasyndaǵy aiyrmashylyqty joiyp, aýyl jáne qala mektepterindegi bilim sapasyn teńestirýge septigin tigizetin bolady. Ulttyq deńgeide atalmysh joba elimizdiń turaqty damýy úshin adami kapitaldyń nyǵaiýyna áser etpek. Joba nátijeleri barsha qoǵamǵa áleýmettik-ekonomikalyq turǵyda jaǵymdy áser etip, Qazaqstannyń básekege qabilettiligin arttyra túsedi dep josparlanýda. «Orta bilim júiesin modernizatsiialaý» jobasyn resmi iske qosý aiasynda ótetin sessiiaǵa bilim jáne ǵylym vitse-ministri Elmira Sýhanberdieva, Dúniejúzilik bankiniń bilim berý tájiribesi jónindegi basqarýshysy Garri Antoni Patrinos, Dúniejúzilik bankiniń Qazaqstandaǵy turaqty ókili Ato Braýna, Dúniejúzilik bankiniń Ortalyq Aziiadaǵy mamany Siýzanna Airepetian, BI-Group bas direktory jáne IQanat jobasynyń negizin qalaǵan Aidyn Rahimbaev qatysady.
