Birinshi synypqa qabyldaý erejelerine tolyqtyrýlar men ózgertýler engizildi, dep habarlaidy "Ult aqparat" QR BǴM baspasóz qyzmetine silteme jasap.
Qazaqstan Respýblikasy Úkimetiniń 2018 jylǵy 10 mamyrdaǵy №254 qaýlysyna sáikes QR Bilim jáne ǵylym ministrligi habarlaidy: bastaýysh, negizgi orta jáne jalpy orta bilim berý uiymdaryna oqýǵa qabyldaýdyń úlgi qaǵidalaryna sáikes, jalpy bilim beretin oqý baǵdarlamasyn iske asyratyn bilim berý uiymdary daiyndyq deńgeiine qaramastan, bilim berý uiymdarynyń qyzmet kórsetý aýmaǵynda turatyn balalardyń qoljetimdiligin qamtamasyz etip, jeti jasqa tolǵan jáne aǵymdaǵy jyly alty jasqa tolatyn balalardyń birinshi synypqa qabyldanýyn qamtamasyz etedi.
Iaǵni, qyrkúiek-jeltoqsan ailarynda týǵan balalar aǵymdaǵy jyldan bastap 1 synypqa bara alady.
Óitkeni, balalar kúntizbelik jyldyń sońyna deiin alty jasqa tolyp, mektepke qabyldaný quqyǵyna ie bolady. Bilim alýshynyń ata-analary nemese ózge de zańdy ókilderi bilim alý úshin kez kelgen bilim berý uiymyn tańdaýǵa quqyǵy bar ekendigin aita ketken jón.
Bilim berý uiymyna qabyldaýdan bas tartqan jaǵdaida, bilim alýshynyń ata-analary nemese basqa zańdy ókilderi turǵylyqty jeri boiynsha jergiliktibilim basqarmalaryna shaǵymdanady. Qujattardy qabyldaý 1 maýsymnan 30 tamyzǵa deiin júzege asyrylady.
Sondai-aq, birinshi synypqa balalardy qabyldaý úshin qajet qujattar tiziminen mekenjai anyqtamasy alyp tastalǵan.
