Beijińdegi qysqy Olimpiada oiyndaryn 150 myńǵa jýyq kórermen barady. Bul týraly «Beijiń-2022» uiymdastyrý komiteti málim etti, dep habarlaidy QazAqparat.
Uiymdastyrý komitetiniń málimdeýinshe, jankúierlerge arnalǵan oryndardyń jartysy olarǵa tiesili. Kórermender qataryna Qytaidyń qurlyqtyq bóliginde turatyn sheteldikter, diplomatiialyq missiialar músheleri men marketing boiynsha áriptester, jergilikti turǵyndar, bastaýysh jáne orta mektep oqýshylary kiredi.
Koronavirýstyń taralýynyń aldyn alý jáne halyqaralyq sport sharasynyń barlyq qatysýshylarynyń qaýipsizdigin qamtamasyz etý maqsatynda «Beijiń-2022» uiymdastyrý komiteti budan buryn Olimpiadanyń sheteldik jankúierlersiz ótetini týraly sheshim qabyldaǵan bolatyn.
Uiymdastyrý komiteti biletterdi satylymnan alyp tastap, olardyń jergilikti jankúilerler arasynda bólinetinin habarlaǵan edi.
XXIV qysqy Olimpiada oiyndary Beijińde 4-20 aqpan aralyǵynda ótedi.
