Qurmanǵazy atyndaǵy qazaq memlekettik halyq aspaptary akademiialyq orkestri Qytai astanasynda Ulttyq oryndaý óneri ortalyǵynyń (Úlken ulttyq teatr) sahnalarynyń birinde óner kórsetti, dep habarlaidy "Ult aqparat".
«Uly dala sazy» kontserti «Álemdik mýzykalyq toptamalar» jobasy aiasynda ótti. Kontserttik baǵdarlamada qazaq jáne sheteldik kompozitorlardyń týyndylary: Qurmanǵazy, Túrkesh, N.Tilendiev, Dáýletkerei, Abai, Motsart, Bramsa jáne taǵy basqalardyń shyǵarmalary kórermenge pash etildi.
QHR-daǵy QR elshisi Ǵabit Qoishybaevtyń atap ótýinshe, «biz ekijaqty mádeni bailanysty damytýǵa úlken mán beremiz. Qurmanǵazy orkestriniń shyǵarmashylyq ujymy osy mańyzdy halyqaralyq mýzykalyq sharaǵa qatysqanyna óte qýanyshtymyz. Qytailyq kórermender Qazaqstannyń bai mádenietimen tanysa aldy».
«Qytai halqy bizdi, mýzykamyzdy jáne qazaq kompozitorlarynyń týyndylaryn jaqsy jáne jyly qabyldady. Ásirese, «Dýdar-ai» halyq áni qatty unady», - dep oi bólisti orkestr solisi Farhat Kýbiev.
Qurmanǵazy atyndaǵy qazaq memlekettik halyq aspaptary akademiialyq orkestriniń direktory Qýanyshbek Muhanǵalievtiń aitýynsha, «kontsert joǵary deńgeide ótti. Búgin biz 4 myń týyndydan quralǵan repertýarlyq qordyń shaǵyn mýzykalyq nómirin kórsettik».
Q.Muhanǵaliev orkestrdiń aldaǵy gastroldik saparlary týraly aitty.
«Jeltoqsannyń sońynda ujym Tashkentte ótetin Ózbekstandaǵy Qazaqstan jylynyń jabylý saltanatyna qatysady. Kelesi jyly Abai Qunanbaevtyń 175 jyldyǵy aiasynda eýropalyq jáne aziialyq týrne ótedi», - dep atap ótti orkestr basshysy.
