Qytai astanasy - Beijiń jazǵy jáne qysqy Olimpiadany qabyldaǵan álemdegi alǵashqy qala atanyp otyr, dep habarlaidy QazAqparat.
Aita ketsek, Beijiń 2008 jylǵy jazǵy Olimpiada oiyndarynyń astanasy atanǵan edi. Endi araǵa on tórt jyldai ýaqyt salyp Aq Olimpiadany ózinde qabyldaýǵa múmkindik aldy.
Buǵan deiin eki jáne úsh márte Jazǵy Olimpiada astanasy atanǵan qalalardyń qatarynda Grekiia astanasy - Afiny (1896, 2004), Japoniia astanasy - Tokio (1964, 2020), Angliia astanasy - London (1908, 1948, 2012) qalalary bar.
Al Frantsiia astanasy - Parij 1900, 1924 jyly dúbirli dodany qabyldasa, endi 2024 jyly álem sportshylaryna taǵy bir márte esigin aiqara ashady. AQSh-tyń Los-Andjeles qalasynda 1932, 1984 jyldary jazǵy Olimpiada ótkizilse, 2028 jyly taǵy bir márte aitýly alamannyń alaýy jaǵylady.
Aita keteiik, biyl Aq Olimpiadada elimizdiń namysyn 34 sportshy qorǵaidy. Olar - qysqy sport oiyndarynyń ishinde sportttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen júldeli oryndarǵa talasady.
