QR Mádeniet jáne sport ministri Dáýren Abaev Beijiń olimpiadasynyń qorytyndysyna qatysty pikir bildirdi, dep habarlaidy QazAqparat.
«Beijiń olimpiadasy boiynsha kóńil kónshitindei nátijeniń joqtyǵy anyq. Osy oraida syn-pikirler oryndy dep oilaimyn. Bul olimpiada sporty ǵana emes jalpy sport salasynda kúrdelengen problemanyń baryn kórsetti. Olardy sheshý úshin júieli jumys isteý kerek. Alda sportshylar men jattyqtyrýshylardy tiisti deńgeide ázirlep, rezervter daiyndaý jospary bar. Sport salasyndaǵy basqarýdy durys uiymdastyrý mańyzdy. Sonymen qatar sporttyq infraqurylymdardy jetildirip, balalar sportyn damytý da kún tártibinde. Iaǵni balalar men jasóspirimderdiń sportpen shuǵyldanýy jáne olarǵa jaǵdai jasaý qajet», - dedi Dáýren Abaev
Ministrdiń aitýynsha, otandyq sport salasyn aýqymdy reforma kútip tur.
«Beijiń olimpiadasynda medalsyz qalǵanymyz qazaqstandyqtarǵa aýyr tidi. Bul jerde tek olimpiada boiynsha ǵana emes, jalpy otandyq sportta júieli problemanyń baryn kórsetip otyr. Olimpiadaǵa daiyndyq salasynda keshendi sheshim qabyldaý kerek. Jáne keshendi reforma sporttyń barlyq salasyna qatysty. Sporttyq sektsiiadan bastap, halyqaralyq olimpiadaǵa daiyndyqqa deiin. Bizdiń aldymyzda sportty damytýǵa qatysty úlken sharýa tur. Otandyq sport bolashaǵyna qatysty jospar qabyldaý mindeti tur. Onyń qatarynda jańaporttyq nysandar salý máselesi de bar», - deidi ol.
Aita ketsek, Shýchinskide Beijińde ótken XXIV qysqy olimpiada oiyndarynyń qorytyndysyna arnalǵan keńeitilgen otyrys ótip jatyr.
