©REUTERS
Ulybritaniia men Kanada Beijińdegi qysqy Olimpiada oiyndaryna resmi ókilderin jibermeidi, - dep habarlaidy Tengrinews.kz.
Ulybritaniia premer-ministri Boris Djonson Qytaidaǵy adam quqyqtarynyń buzylýyna bailanysty is-sharaǵa eshbir ministr nemese basqa sheneýnik qatyspaitynyn aitty, Beijiń muny úzildi-kesildi joqqa shyǵarady.
Kanada da sol kúni Ulybritaniianyń jolyn qýyp, Qytaidaǵy qysqy Olimpiada oiyndaryna diplomatiialyq boikot jariialady.
"Kanada Qytaidaǵy adam quqyqtarynyń buzylýy týraly habarlarǵa qatty alańdaýly. Biz Beijińdegi qysqy Olimpiada jáne Paralimpiada oiyndaryna diplomatiialyq ókilder jibermeimiz", - dep jazdy premer-ministr Djastin Triýdo Twitter-de.
Onyń pikirinshe, Kanadanyń nemese onyń odaqtastarynyń bul qadamy Qytai úshin tańǵalarlyq jaǵdai emes.
Halyqaralyq Olimpiada komitetiniń (HOK) prezidenti Tomas Bah saiasi boikottardyń kóbeiýine qaramastan, komitet sportshylardyń Olimpiadaǵa áli de qatysa alatynyna qýanyshty ekenin aitty.
2022 jylǵy Beijińdegi qysqy Olimpiada 4-20 aqpan aralyǵynda, al qysqy Paralimpiada 4-13 naýryz aralyǵynda ótedi. Japoniia da diplomatiialyq boikot jariialaý múmkindigin qarastyryp jatyr.
Kanada Beijiń Olimpiadasyna boikot jariialaǵan tórtinshi el boldy. Buǵan deiin AQSh, Avstraliia jáne Jańa Zelandiia da diplomattaryn oiyndarǵa jibermeý týraly sheshim qabyldaǵan bolatyn.
