Biatlonnnan Qazaqstan komandasy Beijiń Olimpiadasyna 12 joldama jeńip aldy. Tórtjyldyqtyń basty dodasynda elimizdiń atynan Galina Vishnevskaia, Aleksandr Mýhin jáne Vladislav Kireev synǵa túsedi. Bul týraly komandanyń bas bapkeri Maqsat Sharanov aitty dep habarlaidy "Ult aqparat" Olympic.kz saityna silteme jasap.
«Biatlonnan Olimpiada litsenziiasy komandanyń maýsymdaǵy kórsetkishterine qarai beriletin. Alaida, pandemiiaǵa bailanysty Halyqaralyq bitlonshylar odaǵy jarys josparyn túgeldei ózgertti. Buryn 1-den 20-shy orynǵa deiingi komandalarǵa tórt kvota, 20-23 orynǵa eki kvota, 24-shi orynnan ári qarai Wild Card beriletin. Biyl tek 20-shy orynǵa deiingi komandalardyń kvotasy saqtalyp, odan tómen ornalasqandar jekelei kórsetkishi boiynsha joldama ielendi. Al mundai oryndar bar bolǵany 12 ǵana.
Taǵy bir aita keterligi, Qytai komandasy TOP-20 qataryna enbese, jarysty qabyldaýshy el retinde avtomatty túrde Wild Card boiynsha 4 kvota iemdenedi. Nátijesinde, segiz bos orynǵa 35 komanda talasady. Al estafetada 27 qurama baq synaidy. Osyǵan orai, bizdiń qyzdar komandasynyń aldynda tórt joldama alý maqsaty turdy. Alaida, bizdiń quramany Qytai qýyp jetip, biz kvotadan aiyryp qaldyq. Qazaqstan atynan Galina Vishnevskaia ǵana qatysady.
Erler komandasynyń aldynda eki joldama alý maqsaty túrǵan. Olar bul jospardy oryndady. Olimpiadaǵa Aleksandr Mýhin men Vladislav Kireev qatysady. Litsenziialyq búkil komandaǵa berildi. Biraq osy eki sportshynyń eńbegi kóp. Qazirgi sátte olar komandanyń úzdigi sanalady», - dedi bas bapker.
