Beijińdegi qysqy Olimpiada oiyndarynda shańǵy jarysynan áielder arasyndaǵy komandalyq sprintten jartylai finaldyq jarystar aiaqtaldy, dep habarlaidy QazAqparat.
Bul dodada Qazaqstan quramasy sapynda Nadejda Stepashkina men Kseniia Shalygina synǵa tústi.
Alaida ekeýi máre syzyǵyn 24:57,5 ýaqyt kórsetkishimen 10-shy bolyp kesip ótti. Osylaisha otandastarymyz finalǵa óte almady.
Komandalyq sprintten jartylai finalynda birinshi oryndy Resei quramasy (23:00,47), ekinshi oryndy Finliandiia (23:00,82), al úzdik úshinshi orynǵa Shvetsiia (23:01,40) quramasy ie boldy.
Aita keteiik, atalǵan Aq Olimpiadada oiyndarynda elimizdiń namysyn 8 sport túrinen 34 sportshy qorǵap jatyr.
Olar - qysqy sport oiyndarynyń ishinde sporttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen synǵa túsýde.
Beijiń Olimpiadasy 20 aqpanda máresine jetedi.
Foto: Turar Qazanǵapov, Qazaqstan UOK
